देर आये दुरुस्त आये; क-हाडात रुग्णवाहिका आली हाे...

कऱ्हाड (जि. सातारा) : आमदार पृथ्वीराज चव्हाण यांच्या निधीतून पालिकेस मिळालेली रुग्णवाहिका लोकार्पण झाली. त्यानिमित्ताने पालिकेला दुसरी अद्ययावत रुग्णवाहिका उपलब्ध झाली आहे. मागील वर्षी कोरोना काळात रुग्णवाहिकेसाठी आमदार चव्हाण यांनी निधी दिला होता. त्या निधीतून पालिकेने खरेदी केलेली रुग्णवाहिका आज लोकर्पण झाली.

आमदार चव्हाण यांनी पालिकेला रुग्णवाहिकेसाठी सुमारे 15 लाखांचा निधी उपलब्ध करून दिला होता. मात्र पालिकेकडून कोणतीही कारवाई झाली नव्हती. आमदार चव्हाण यांनीही पालिकेला रुग्णवाहिकेची गरज नसले तर त्यांनी ठराव द्यावा, असे ठणकावले होते. त्यानंतर कॉंग्रसेच्या पदाधिकाऱ्यांनी रुग्णवाहिका का येत नाही, याचा जाब विचारल्यानंतर हालचाली झाल्याने पालिकेत रुग्णवाहिका दाखल होऊन तिचा लोकर्पण सोहळा झाला.

Maharashtra Lockdown : गड्या आपला गावच लई बरा!

रुग्णवाहिकेचे पूजन आमदार चव्हाण यांच्या हस्ते झाले. नगराध्यक्षा रोहिणी शिंदे, माजी नगराध्यक्षा शारदा जाधव, लोकशाही आघाडीचे गटनेते सौरभ पाटील, भाजपचे गटनेते विनायक पावसकर, कॉंग्रेस शहराध्यक्ष व नगरसवेक राजेंद्र ऊर्फ आप्पा माने, इंद्रजित गुजर, विद्या पावसकर, नगरसेवक सुहास जगताप, फारूख पटवेकर, युवक कॉंग्रेसचे राज्य उपाध्यक्ष शिवराज मोरे, अशोकराव पाटील, प्रदीप जाधव, मुख्याधिकारी रमाकांत डाके उपस्थित होते.

Video : मित्रांनो! काळजी करु नका, मी जिवंत आहे