महाबळेश्वर : श्री क्षेत्र महाबळेश्वर येथील प्राचीन श्री कृष्णाबाई मंदिराच्या छताचा काही भाग कोसळल्याची घटना घडली आहे. मंदिरासमोरील गोमुखाखाली असलेल्या कुंडाची स्थानिक युवक स्वच्छता करीत असतानाच मंदिराचा छताचा काही भाग थेट कुंडामध्ये कोसळला. सुदैवाने युवक थोडक्यात बचावले. यामुळे वारसास्थळांच्या सुरक्षेचा प्रश्न ऐरणीवर आला आहे. हे मंदिर सध्या पुरातत्त्व विभागाच्या अखत्यारीत येते आणि त्याची देखभाल व स्वच्छतेसाठी एक कर्मचारी नियुक्त करण्यात आला आहे.