- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
सातारा : मागील वर्षी पावसाळ्यात ढासळलेल्या प्रतापगडाच्या (Pratapgad) तटबंदीच्या दुरुस्तीचे काम सह्याद्री प्रतिष्ठानच्या (Sahyadri Pratishthan) मावळ्यांनी शिवभक्तांच्या सहकार्याने 11 महिन्यांत पूर्ण केले आहे. (Sahyadri Pratishthan Completed The Repair Work On Pratapgad Satara Marathi News)
सह्याद्री प्रतिष्ठानचे संस्थापक श्रमिक गोजमंगुंडे यांनी याबाबतची माहिती दिली. गेल्या वर्षी पावसाळ्यात जून महिन्याच्या सुरुवातीला प्रतापगडाची तटबंदीच्या पायाखालील भागाचे भूस्खलन झाल्याची माहिती सह्याद्री प्रतिष्ठानला मिळाली. त्यानंतर प्रतिष्ठानचे श्रमिक गोजमंगुंडे हे शिवभक्तांसह गडावर पोचले. त्यांनी दुरुस्तीचा पण केला. जून 2020 मध्ये प्रतिष्ठानच्या लोकांनी खासदार उदयनराजे भोसले (Udayanraje Bhosale) व राजमाता कल्पनाराजेंची भेट घेऊन त्यांना याबाबतची महिती दिली. आमदार शिवेंद्रसिंहराजे (Shivendraraje Bhosale) यांचीही त्यांनी भेट घेतली. त्यानंतर पुरातत्त्व विभागाचे सहायक संचालक विलास व्हाळे व डॉ. तेजस गर्दे यांनी परवानगी दिली. त्यानंतर वन विभागाचे प्रधान सचिव मिलिंद म्हैसकर व सहायक संचालक विलास व्हाळे यांचीही परवानगी मिळाली.
बांधकामाबाबत चंदनकर इंजिनिअरिंग रिसर्च प्रायव्हेट लिमिटेडच्या अधिकाऱ्यांसोबत चर्चा झाली. कॉलेज ऑफ इंजिनिअरिंगचे डॉ. भोसले यांच्याशी बैठका झाल्या. त्यानंतर डिझाइन तयार करण्यात आले. 27 जानेवारीला स्थानिकांच्या हस्ते कामाचे भूमिपूजन झाले. गडावर मशिनरीचे सुटे भाग नेऊन जोडले. त्यानंतर अत्याधुनिक यंत्रणा वापरून काम करण्यात आले. एक मे रोजी महाराष्ट्रदिनी हे काम पूर्ण झाले.
दुरुस्तीसाठी जमला 21 लाखांचा निधी
या कामासाठी 22 दिवसांत 21 लाखांचा निधी जमा झाला. त्यासाठी अभिजित पानसे, मनसेचे आमदार राजू पाटील यांनी पाच लाख रुपयांचा निधी दिला. अनेक संस्था, शिवभक्त सह्याद्री प्रतिष्ठानच्या पाठीमागे उभ्या राहिल्या. त्यात फत्तेशिखस्त, फर्जद चित्रपटाचे दिग्दर्शक दीपा लांजेकर, अजय बोरकर, रमेश परदेशी, अजय तापकिरे, प्राजक्ता माळी, माधुरी पवार या सर्वांनी देणग्या दिल्याची माहिती श्रमिक गोजमंगुंडे यांनी दिली. या कार्यात शिवराज्यभिषेक समितीचे मार्गदर्शक दीपक प्रभावळकर, अभयराजे शिरोळे, अमितराजे राजेशिर्के, रणजितसिंह गरुड, इंद्रजितसिंह घोरपडे, गजेंद्र गडकर व इतरांचाही सहभाग होता.
Sahyadri Pratishthan Completed The Repair Work On Pratapgad Satara Marathi News
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
