महाबळेश्वर, ता.31 : महाबळेश्वर येथील एकमेव कोरोना केअर सेंटरमध्ये झांझवड (ता. महाबळेश्वर) येथील एका कोरोना संशयिताने आज (रविवार) सकाळी नैराश्‍यातून गळफास घेऊन आत्महत्या केली आहे. त्यामुळे तालुक्‍यात खळबळ माजली आहे.
महाबळेश्वर शहर आज कोरोना मुक्त असले तरी, महाबळेश्वर तालुक्‍यातील ग्रामिण भागात मुंबई वरून आलेल्या लोकांना कोरोनाची बाधा झाली आहे. आज अखेर अशा प्रकारे मुंबई वरून आलेल्या 18 लोकांना कोरोनाची बाधा झाल्याचे निष्पन्न झाले आहे. या मध्ये गोरोशी गावातील एकाचा समावेश आहे. याच रूग्णाबरोबर आत्महत्या केलेला व्यक्ती मुंबईवरून आली होती. मुंबई ते महाबळेश्वर असा प्रवास केल्याने त्यालाही कोरोनाची लागण होण्याची शक्‍यता होती.
हे गृहीत धरून तालुका प्रशासनाने त्याला शनिवारी महाबळेश्वर तालुका कोरोना केअर सेंटर मध्ये भरती केले. त्याच्या घशातील स्त्रावाचे नमुने तपासणीसाठी सातारा येथे पाठविण्यात आले. त्याचा अहवाल अद्याप प्रलंबीत आहे. दरम्यान आज सकाळी त्याने खोलीतील गळफास घेऊन आत्महत्या केली. त्याला दारूचे व्यसन होते व कोरोना रुग्णाच्या संपर्कात आल्याने त्याला नैराश्‍य आल्याची माहिती गावातील लोकांकडून पुढे आली आहे.
पोलिसांनी कोरोना केअर सेंटर व परीसरातील सर्व भागात प्रवेश बंदी केली होती. त्या परिसरात कोणालाही प्रवेश दिला जात नव्हता. या भागातील बंदोबस्तात वाढ करण्यात आली आहे. या घटनेची माहीती मिळताच प्रांताधिकारी संगिता राजापुरकर यांनी घटना स्थळी भेट दिली. या वेळी तहसिलदार सुषमा चौधरी पाटील, पोलिस निरीक्षक बी. ए. कोंडुभैरी, तालुका वैद्यकीय अधिकारी अजय कदम, पालिका मुख्याधिकारी अमिता दडगे-पाटील, गट विकास अधिकारी नारायण घोलप आदी प्रमुख अधिकारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
