चाईल्ड हेल्प लाइनचा नंबर आला कामी; विद्यार्थिनीवर बलात्कार करणाऱ्या मुख्याध्यापकास सात दिवसांची कोठडी

महाबळेश्‍वर (जि. सातारा) : अल्पवयीन विद्यार्थिनीवर बलात्कार करणाऱ्या मुख्याध्यापकास महाबळेश्वर पोलिसांनी जिल्हा व सत्र न्यायालयाने सात दिवसांची पोलिस कोठडी सुनावली. पीडित मुलीच्या मैत्रिणीने चाईल्ड हेल्पलाइनवरून मदत मागितल्याने हे प्रकरण उघडकीस आले. 

शहरातील हायस्कूलमधील दिलीप रामचंद्र ढेबे या मुख्याध्यापकाने पदाचा दबाव आणून दहावीत शिकत असलेल्या 15 वर्षीय मुलीवर अत्याचार केल्याचे प्रकरण उघडकीस आले. याप्रकरणी पोलिसांनी मुख्याध्यापकाला जेरबंद केले. मुख्याध्यापक आपल्यावर वारंवार अत्याचार करीत असल्याची माहिती पीडित मुलीने मैत्रिणीला सांगितली होती. 

विदयार्थीनीला विश्वासात घेऊन महाबळेश्वर पाेलिसांनी शाेधला बलात्कारी

त्याच हायस्कूलमध्ये 22 फेब्रुवारी रोजी लैंगिक अत्याचारावर सहायक पोलिस निरीक्षक अब्दुल हादी बिद्री यांनी मार्गदर्शन केले होते. या वेळी चाईल्ड हेल्प लाइनचा क्रमांक मुलींना दिला होता. पीडितेच्या मैत्रिणीने हेल्प लाइनवरून मैत्रिणीवर अत्याचार होत असल्याची माहिती दिली. त्यानंतर तपासाची चक्रे फिरली. 

साताऱ्याच्या बातम्या वाचण्यासाठी येथे ► क्लिक करा

संपादन : बाळकृष्ण मधाळे