सातारा : येथील जिल्हा कारागृहात न्यायालयीन कोठडीत असलेल्या कैद्याने दगडावर डोके आपटून आत्महत्येचा प्रयत्न केला आहे. राजेश ऊर्फ राजू गणपत शिंदे असे कैद्याचे नाव आहे. याबाबत तुरुंगरक्षक सुरेश रामचंद्र पाटील (मूळ रा. उमदी, ता. जत, जि. सांगली. सध्या रा. सातारा जिल्हा कारागृह क्वॉर्टर्स) यांनी शहर पोलिस ठाण्यात फिर्याद दिली आहे.
राजेश हा जिल्हा कारागृहातील बॅरेक क्रमांक एकमध्ये बंदी आहे. काल सकाळी पावणेसात ते दुपारी सव्वातीन या वेळेत कारागृहात असणाऱ्या बराक क्रमांक एकजवळील हनुमान मंदिरासमोरील दगडावर स्वत:चे डोक आपटून घेत त्याने आत्महत्या करण्याचा प्रयत्न केला. ही गोष्ट निदर्शनास आल्यावर त्याला उपचारासाठी जिल्हा रुग्णालयात दाखल करण्यात आले. तक्रार दिल्यानंतर कैदी राजेश शिंदे याच्यावर गुन्हा दाखल करण्यात आला आहे. हवालदार दगडे तपास करत आहेत.
संपादन : बाळकृष्ण मधाळे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.