माेठी बातमी! 'निलंबनाच्या ५१ शिक्षकांना नोटिसा'; बदली प्रक्रियेत गैरप्रकार आढळल्याने कारवाई, सातारा जिल्ह्यात खळबळ

सातारा: प्राथमिक शिक्षकांच्या ऑनलाइन बदली प्रक्रियेत दिलेल्या कागदपत्रांमध्ये तफावत आढळल्याने प्राथमिक शिक्षण विभागाने ५८१ शिक्षकांच्या कागदपत्रांची पडताळणी जिल्हा रुग्णालय व छत्रपती संभाजी महाराज वैद्यकीय महाविद्यालयामार्फत सुरू केली आहे. आतापर्यंत झालेल्या तीन टप्प्यांत ५१ शिक्षकांच्या कागदपत्रांमध्ये गैरप्रकार आढळल्याने त्यांना निलंबनाच्या नोटिसा पाठविण्यात आल्या आहेत.