Satara Loan Waiver: सातारा जिल्ह्यात ५४ हजार खाती कर्जमुक्तीकडे; बॅंकांमधील माहिती पोर्टलवर अपलोड, ५६९.४० कोटी होणार माफ

सातारा : पुण्यश्लोक अहिल्यादेवी होळकर शेतकरी कर्जमुक्ती योजना २०२६ अंतर्गत जिल्ह्यातील पात्र शेतकरी लाभार्थ्यांची माहिती पोर्टलवर अपलोड करण्याचे काम वेगाने सुरू आहे. जिल्ह्यातील विविध ११ बँकांमधील ५४ हजार ३०१ पात्र कर्ज खात्यांपैकी ५३ हजार ७३६ कर्ज खात्यांची माहिती आतापर्यंत शासनाच्या अधिकृत पोर्टलवर यशस्वीरीत्या अपलोड केली आहे. या माध्यमातून सुमारे ५६९.४० कोटी रुपयांच्या कर्जमाफीचा मार्ग मोकळा झाला आहे.