सातारा : घरकुल योजनेत अनेक लाभार्थ्यांना अनुदानाअभावी कामाची गती मंदावली होती; परंतु प्रधानमंत्री आवास योजना ग्रामीण टप्पा २ अंतर्गत राज्यात घरकुलांसाठी केंद्र व राज्य सरकारचा पाच हजार २९०.९३ कोटींचा निधी राज्य ग्रामीण गृहनिर्माण कक्षाला उपलब्ध झाला आहे. त्यामुळे घरकुलांची कामे जलदगतीने होणार आहेत. दरम्यान, सातारा जिल्ह्याला ४५ हजार ४८७ घरकुलांचे उद्दिष्ट मिळाले असून, यामधील लाभार्थ्यांना निधी मिळणार आहे.