पवार साहेब सांगताहेत वीजबिल भरू नका, उपमुख्यमंत्र्यांची बिलासाठी शेतकऱ्यांना दटावणी : थोरात

मलकापूर (जि. सातारा) : वीजबिलात सवलत नको, पूर्ण माफ करा, अशी मागणी शेतीमित्र अशोकराव थोरात यांनी केली आहे. श्री. थोरात म्हणाले, "ऊर्जामंत्री नितीन राऊत यांनी शेतकऱ्यांच्या थकीत वीजबिलाबाबत वर्षभर गोंधळ उडवून दिला आहे. सरकारची त्याबाबत ठाम भूमिका नाही. राज्यातील त्रिकोणी म्हणजे तीन पक्षाच्या सरकारमधील वीजबिल माफीवर एकमत नाही. 

राष्ट्रवादीचे प्रमुख शरद पवार यांनी 2017 म्हणाले होते की, ""संपूर्ण कर्जमाफी झाल्याशिवाय वीजबिल भरू नका. इकडे उपमुख्यमंत्री अजित पवार आधी वीजबिल भर, अशी शेतकऱ्यांना दटावणी देत आहेत. मग शेतकऱ्यांचे कर्ज माफ झाले का? झाले नसेल तर वीजबिल भरायचे का? वीज वितरण कंपनीची थकबाकी वाढत चालली आहे. 

मायबाप सरकारला तमाशा कलावंताची आर्त साद

सातारा जिल्ह्याचे पालक व सहकारमंत्री बाळासाहेब पाटील यांनी शेतकऱ्यांच्या थकीत वीजबिलात 50 टक्के माफी जाहीर केली. पण, महाराष्ट्राचे मुख्यमंत्री उध्दव ठाकरे, कॉंग्रेसचे ऊर्जामंत्री व सत्ताधारी राष्ट्रवादीचे नेते परस्परविरोधी बोलून शेतकऱ्यांमध्ये गोंधळ उडवून देत आहेत. त्यातच सहकारी व खासगी साखर कारखान्यांचे व विकास सोसायट्या व जिल्हा बॅंकांमार्फत थकीत वीजबिल वसुलीचा नवा फंडा सरकारच्या विविध खात्याच्या मंत्र्यांनी जाहीर केला आहे.''  

साताऱ्याच्या बातम्या वाचण्यासाठी येथे ► क्लिक करा

संपादन : बाळकृष्ण मधाळे