Covid Vaccine : कोरोनावर मात करण्यासाठी माजी मुख्यमंत्र्यांनी घेतली कऱ्हाडात 'लस'

Satara Latest Marathi News
Satara Latest Marathi News

कऱ्हाड (जि. सातारा) : कोरोनावर मात करण्यासाठी राज्यात लसीकरण मोहीम सुरू आहे. कोविड लसीकरण कार्यक्रमाच्या तिसऱ्या टप्प्यात आज माजी मुख्यमंत्री पृथ्वीराज चव्हाण यांनी कोरोनाची लस घेतली. कराड येथील उपजिल्हा रुग्णालयात अधीक्षक डॉ. प्रकाश शिंदे, तालुका वैद्यकीय अधिकारी संगीता देशमुख, प्रांताधिकारी उत्तमराव दिघे यांच्या उपस्थितीत कोरोना लस त्यांना देण्यात आली. 

माजी मुख्यमंत्री आमदार पृथ्वीराज चव्हाण यांच्यासोबत त्यांचे बंधू अधिकराव चव्हाण आणि त्यांचे केअर टेकर नामदेव चन्ने अशा तीन जणांना लस देण्यात आली. लस घेतल्यानंतर त्यांना 30 मिनिटं निरीक्षणाखाली ठेवण्यात आलं होतं. दुसरी लस 28 दिवसांनी दिली जाईल.

यावेळी आमदार चव्हाण यांच्यासोबत मलकापूरचे उपनगराध्यक्ष मनोहर शिंदे, नगरसेवक राजेंद्र माने, राहुल चव्हाण आदी उपस्थित होते. यावेळी आमदार चव्हाण यांनी कोविड लसीकरणासाठी आलेल्या ज्येष्ठ नागरिकांची विचारपूस करीत लसीकरण केंद्राची पाहणी केली व अधीक्षक शिंदे यांच्याकडून कोविड लसीकरणाची आत्तापर्यंतची माहिती जाणून घेतली.

संपादन : बाळकृष्ण मधाळे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com