ग्रामपंचायत निवडणुकीचा राग मनात धरुन भोळीत एकावर फिल्मी स्टाईल गोळीबार; खंडाळ्यात खळबळ

Satara Latest Marathi News
Satara Latest Marathi News

शिरवळ (जि. सातारा) : काही महिन्यापूर्वी झालेल्या ग्रामपंचायत निवडणुकीचा राग मनात धरुन भोळी (ता. खंडाळा) गावात भरधाव वेगाने पिकअप गाडी फिरवून छरे असलेल्या बंदुकीने फायरिंग केल्याची घटना शनिवारी सायंकाळी उशिरा घडली. या घटनेने परिसरात एकच खळबळ उडाली आहे.

याबाबत शिरवळ पोलिसांनी दिलेली माहिती अशी, दीड महिन्यापूर्वीच्या ग्रामपंचायत निवडणुकीचा राग मनात धरुन सूरज मोहन भोसले (रा. तोंडल) याने सोबत काही युवकांना घेऊन भरधाव वेगात पिकअप (गाडीक्रमांक माहीत नाही.) चालवली. यावेळी पिकपच्या धडकेत रस्त्यावर बसलेली कुत्रीही मरण पावली. तसेच फिर्यादीच्या घरासमोर येऊन मारण्याची धमकी देऊन छरे असलेल्या बंदुकीने फायरिंग केले. तद्नंतर शिरवळ पोलिसांनी तत्काळ घटनास्थळी भेट देऊन घटनेची माहिती जाणून घेतली. या घटनेबाबत निरंजन सोमनाथ चव्हाण रा. भोळी यांनी पोलिसात फिर्याद दिली असून पुढील तपास पोलिस हवालदार मदन वरखडे करीत आहे.

संपादन : बाळकृष्ण मधाळे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com