सातारा पालिकेत 'स्थायी'च्या सभेत तब्बल 62 विषयांना मंजुरी; एक विषय स्थगित

सातारा : सातारा पालिकेच्या स्थायी समितीच्या नुकत्याच झालेल्या सभेत कार्योत्तर खर्च मंजुरीच्या 62 विषयांना मंजुरी देण्यात आली. पालिकेच्या सोशल मीडियाच्या अनुषंगाने असणारा विषय स्थगित करण्यात आला. ही सभा नगराध्यक्षा माधवी कदम यांच्या अध्यक्षतेखाली पार पडली. 

पालिकेच्या स्थायी समितीची सभा आज आयोजिली होती. यासाठी माधवी कदम, मुख्याधिकारी अभिजित बापट, उपाध्यक्ष मनोज शेंडे, नियोजन सभापती निशांत पाटील, पाणीपुरवठा सभापती सीता हादगे, आरोग्य सभापती अनिता घोरपडे, महिला व बालकल्याण सभापती रजनी जेधे, विरोधी पक्षनेते अशोक मोने तसेच सर्व विभागांचे अधिकारी उपस्थित होते.

किसन वीर सर्व 45 खटल्यांतून निर्दोष; मदन भोसलेंसह अधिकाऱ्यांचे निर्दोषत्व सिद्ध

या सभेपुढे एकूण 63 विषय मंजुरीसाठी ठेवण्यात आले होते. सर्व विषय समित्यांच्या माध्यमातून कोरोनासह इतर कालावधीत तातडीच्या उपाययोजना राबविण्यासाठी केलेल्या खर्चांना कार्योत्तर मंजुरी देण्याबरोबरच इतर विषयांवर चर्चा झाली. चर्चेअंती विषयपत्रिकेवरील 62 विषय एकमताने मंजूर करण्यात आले. सभेपुढे पालिकेच्या कामाची माहिती सोशल मीडियाच्या माध्यमातून नागरिकांना देणे, विविध प्रकारच्या सूचना करणारे मेसेज पाठविणे तसेच इतर अनेक बाबींचा उल्लेख असणारा एक विषय समितीच्या बैठकीत चर्चेसाठी पुढे आला. चर्चेअंती हा विषय स्थगित करण्याचा निर्णय घेण्यात आला. यानुसार हा विषय स्थगित ठेवण्यात आला. 

धक्कादायक! फोटोसेशनच्या बहाण्याने दारु पाजून महाविद्यालयीन युवतीशी अश्‍लील चाळे; साताऱ्यात सहा जणांवर गुन्हा

झेडपीचा 41 कोटींचा अर्थसंकल्प मंजूर; साताऱ्यात कोरोनामुळे अनुदानावर परिणाम

सीईओच्या बंगल्यावर अवाढव्य खर्च; जिल्हा परिषदेत 51 विषयांवर वादळी चर्चा

संपादन : बाळकृष्ण मधाळे