Satara Rain Update : कोयना धरण क्षेत्रात धुवांधार; महाबळेश्वरलाही पावसानं झोडपलं

कोल्हापूर, सांगली आणि सातारा जिल्ह्यात गेल्या चार दिवसांपासून मुसळधार पाऊस सुरूय.
Koyna Dam
Koyna Damesakal
Summary

कोल्हापूर, सांगली आणि सातारा जिल्ह्यात गेल्या चार दिवसांपासून मुसळधार पाऊस सुरूय.

Satara Rain Update : कोल्हापूर (Kolhapur), सांगली आणि सातारा जिल्ह्यात गेल्या चार दिवसांपासून मुसळधार पाऊस सुरूय. कोयना धरण (Koyna Dam) पाणलोट क्षेत्रासह तालुक्याला मुसळधार पावसानं मंगळवारी रात्रीही झोडपून काढलंय. गेल्या 15 तासांत कोयनानगर इथं १३६ मिलीमीटर, नवजा १२० मिलीमीटर आणि महाबळेश्वरला (Mahabaleshwar) उच्चांकी १४० मिलीमीटर पावसाची नोंद झालीय.

धरणाच्या पाणीसाठ्यात १५ तासांत ३.६३ टीएमसीनं भर पडली असून धरणाचा एकूण पाणीसाठा ७९.११ टीएमसी झाला आहे. मुसळधार पावसामुळं जलाशयात प्रति सेकंद ७० हजार १५ क्युसेक्स पाण्याची आवक होत आहे. दरम्यान, पश्चिम महाराष्ट्रातील पावसाचा अंदाज घेता अलमट्टी धरणातील पाण्याचा विसर्ग वाढवला आहे. कालपर्यंत 1 लाख क्युसेक्स पाण्याचा विसर्ग सुरु असताना आता 1 लाख 25 हजार क्युसेक्स पाण्याचा विसर्ग सुरुय. कोयना धरणाचे कधीही दरवाजे उघडले जाऊ शकतात. कोयना धरणात सध्या 80 टीएमसी इतका पाणीसाठा आहे. कोयना आणि महाबळेश्वर परिसरात पावसाची संततधार कायम आहे.

Koyna Dam
Shivaji University : शिवाजी विद्यापीठाच्या परीक्षा तात्पुरत्या स्थगित; व्यवस्थापनाचा मोठा निर्णय

राधानगरी धरण 100 टक्के भरले

राधानगरी पाणलोट क्षेत्रासह आजारा, गगनबावडा परिसरात पावसानं थैमान घातलं आहे. परिणामी, राधानगरी धरणाच्या (Radhanagari Dam) पाणी पातळीतही झपाट्यानं वाढ होऊ लागली असून धरण १०० टक्के भरले असल्याने धरणाचे स्वयंचलित दरवाजे आता उघडू लागले आहेत. आज पहाटे ५ वाजताच्या सुमारास गेट क्रमांक ६ उघडले असून यामधून मोठ्या प्रमाणात पाण्याचा विसर्ग पंचगंगा नदीमध्ये सुरूय. यामुळं पंचगंगेच्या पाणी पातळीत वाढ होत असून नदीची वाटचाल धोका पातळीकडं होऊ लागली आहे.

Koyna Dam
Kolhapur Rain Update : राधानगरी धरण 100 टक्के भरलं; जिल्ह्यात आतापर्यंत 71 बंधारे पाण्याखाली

महाबळेश्वरात 140 मिलीमीटर पावसाची नोंद

कोयना धरण पाणलोट क्षेत्रातील कोयनानगर, नवजा आणि महाबळेश्वर या तिन्ही ठिकाणी पावसाचा जोर आहे. गेल्या चोवीस तासात महाबळेश्वर येथे सर्वाधिक 140 मिलीमीटर पावसाची नोंद झाली आहे. नवजा येथे 115 मिलीमीटर आणि कोयनानगर येथे 92 मिलीमीटर पाऊस झाला आहे. दमदार पावसामुळे कोयना धरणात प्रतिसेकंद 17,052 क्युसेक पाण्याची आवक होत आहे. धरणातील पाणीसाठा 68.89 टीएमसी तर पाणीपातळी 2128 फूट झाली आहे.

Related Stories

No stories found.
Sakal
www.esakal.com