सातारा : एसटी कर्मचाऱ्यांना १६ टक्के महागाई भत्ता लागू करावा, कोविड काळातील वैद्यकीय बिलांची रक्कम अद्यापही मिळाली नसून, ती तत्काळ वर्ग करावी यांसह विविध मागण्यांसाठी एसटी कर्मचारी संयुक्त कृती समितीच्या वतीने आज कर्मचाऱ्यांनी संप पुकारला. त्यामुळे, मध्यवर्ती बस स्थानकासह इतर डेपोतील एसटी वाहतूक विस्कळित झाली होती.
शासकीय कर्मचाऱ्यांना डिसेंबर २०१९ पासून पाच टक्के वाढीव महागाई भत्ता देण्यात आला; परंतु आता भत्त्यात वाढ करून २८ टक्के केला आहे. त्यामुळे १६ टक्के भत्ता तत्काळ लागू करावा, एसटीच्या सेवानिवृत्त कर्मचाऱ्यांचे पैसे रखडले असून, ते तत्काळ देण्यात यावे, समायोजन श्रेणीतील आदेश तत्काळ दिले जावेत, वार्षिक वेतनश्रेणीची कमी केलेली टक्केवारी पूर्ववत करावी, कर्मचाऱ्यांना महिन्याचे वेतन सात तारखेपर्यंत करण्याची मागणी संघटनांनी केली आहे.
या मागण्या वारंवार मांडूनही पूर्ण केल्या जात नसल्याचे सर्व संघटनांनी बुधवारपासून विभागीय कार्यालयाबाहेर बेमुदत आंदोलन सुरू केले आहे, तसेच आज कर्मचाऱ्यांनी संप पुकारल्याने मध्यवर्ती बस स्थानकातील वाहतूक काही काळ विस्कळित झाली होती. त्यामुळे, विद्यार्थी व प्रवाशांचे ताटकळत बसल्याचे चित्र दिसून आले.
याबाबत, एसटी कर्मचाऱ्यांना विविध समस्यांना तोंड द्यावे लागत आहे. आमच्या मागण्या वारंवार शासनाकडे मांडूनही कोणताही तोडगा काढला जात नाही. त्यामुळे, विभागीय कार्यालयासमोर आंदोलन करून कर्मचाऱ्यांनी संप पुकारला आहे. येत्या काही दिवसांत मागण्या पूर्ण न झाल्यास तीव्र लढा देणार असल्याचे इशारा संघटनेचे अध्यक्ष नाना घोणे यांनी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
