Stray Dog Attacksakal
सातारा
Stray Dog Attack: 'साताऱ्यात पिसाळलेल्या भटक्या श्वानाचा सहा जणांना चावा'; गोडोलीतील घटना, पालिकेचे जाणूनबुजून दुर्लक्ष?
Satara Stray Dog Menace: गोडोली व परिसरात मोठ्या प्रमाणात भटके श्वान वावरत आहेत. जोडीच्या जोडी घेऊन फिरत आहेत. त्यामुळे फिरणारे नागरिक भीतीच्या छायेखाली आहेत. रात्रीच्या वेळी देखील गोडोली परिसरात वीज नसल्यामुळे अंधारात हेच श्वान नागरिकांचा पाठलाग देखील करत आहेत.
शाहूनगर : गोडोली येथे आज दुपारी साईबाबा मंदिर चौकात पिसाळलेल्या भटक्या श्वानाने पाच ते सहा जणांना चावा घेतल्याची घटना घडली. या घटनेने नागरिकांमध्ये घबराट निर्माण झाली असून, नागरिक भीतीच्या छायेखाली वावरत आहेत. नागरिकांनी पालिकेच्या आरोग्य कर्मचाऱ्यांशी संपर्क साधून देखील काही उपयोग झाला नाही. त्यामुळे पालिकेच्या विरोधात संतापाची लाट निर्माण झाली आहे.