Crackdown on Fuel Stockpiling: Licenses of Violators May Be Revoked
sakal
सातारा: जिल्ह्यात पेट्रोल आणि डिझेलचा पुरवठा व साठा मुबलक प्रमाणात आहे. त्यामुळे नागरिकांनी कोणत्याही अफवांवर विश्वास ठेवू नये. या पार्श्वभूमीवर इंधनाची साठेबाजी किंवा काळाबाजार करणाऱ्यांविरुद्ध कोणतीही पूर्वसूचना न देता कठोर कारवाई करण्यात येणार आहे. नियमांचे उल्लंघन करणाऱ्या पेट्रोल पंपांचा परवाना कायमस्वरूपी रद्द करण्याची शिफारस केली जाणार आहे, असा इशारा जिल्हा पुरवठा अधिकारी वैशाली राजमाने यांनी दिला आहे.
