Candle march in Tarale village after Sasapde schoolgirl’s murder; villagers unite in grief and demand justice
Sakal
तारळे : सासपडे (ता. सातारा) येथील शाळकरी मुलीची राहुल यादव या संशयिताने क्रूरपणे हत्या केल्याच्या निषेधार्थ तारळेसह विभागाच्या वतीने कडकडीत बंद ठेवून निषेध व्यक्त केला. सायंकाळी मोठ्या संख्येने लोकांनी एकत्र येत गावातून कँडल मार्च काढला. यावेळी आर्याला न्याय मिळालाच पाहिजे, नराधमाला फाशी झालीच पाहिजे, अशा घोषणांनी परिसर दणाणून गेला. नराधमास फाशी व्हावी, अशी मागणी करत संशयिताच्या प्रतीकात्मक पुतळ्याचे बसस्थानक परिसरात दहन केले.