5G स्पर्धेत AirTel ची उडी, ऑगस्टच्या शेवटी सुरू करणार सर्व्हिस

भारतामध्ये 5जीचं जाळ वेगाने पसरणे सुरू झालंय. जिओ (JIO) ने 15 ऑगस्ट पासून 5जी सर्व्हिस लॉन्च करणार असल्याचं बोललं जाते तर आता यात एक नवीन नाव समोर आलंय. जिओ पाठोपाठ आता एअरटेल ने देखील आपल्या 5जी सर्व्हिस युजर्ससाठी आणण्याचं ठरवलं. (Airtel likely to launch 5G services in India by August end read details)

ऑगस्ट महिन्याच्या अखेरीस एअरटेल 5 जी नेटवर्क सर्व्हिस सुरू करू शकते. Ericsson, Nokia आणि Samsung सोबत एअरटेलने अॅग्रिमेंट केलाय. सोबतच आता जिओला 5 जी नेटवर्क सुरू करणे गरजेचे आहे. कारण जिओने जर 5 जी नेटवर्क सुरू केले नाही आणि ऑगस्ट अखेरीस एअरटेल ने 5 जी नेटवर्क सुरू केले तर याचा मोठा फटका जिओला बसू शकतो.

नुकताच भारतातील 5जी लिलाव संपला. ऑगस्ट महिना अखेरिस 5 जी सेवा सुरू करण्यासाठी एअरटेल सज्ज असल्याचे कंपनीचे म्हणणे आहे. नुकत्याच झालेल्या लिलावात एअरटेलने 900 MHz, 1800 MHz, 2100 MHz, 3300 MHz आणि 26 GHz फ्रीक्वेंसी मध्ये 19867.8 MHZ मिळवला आहे. त्यामुळे एअरटेलचं 5 जी नेटवर्क सुरू करणे हे कंपनीसाठी नफ्याचे असणार आहे.