Prime Air Drone : घंटो का काम मिनिटों में! अमेझॉनचे ‘प्राईम एअर’ अवघ्या 60 मिनिटांत पोहोचणार वस्तु; कशी वापराल ही सुविधा? पाहा

Amazon Prime Air Drone Service : अमेझॉनने जगातल्या ई-कॉमर्स क्षेत्रात आणखी एक मोठं पाऊल टाकलं आहे. आता तुम्हाला आयफोन, एअरपॉड्स, स्मार्टफोन्स आणि इतर गॅजेट्स अवघ्या ६० मिनिटांत घरी मिळणार आहेत तेही ड्रोनच्या माध्यमातून! कंपनीने आपल्या Prime Air या अत्याधुनिक ड्रोन डिलिव्हरी सेवेची सुरुवात सध्या अमेरिकेतील काही निवडक शहरांमध्ये केली आहे. तसेच भारतात ही सुविधा लवकरच सुरू होईल

आयफोन अवघ्या १० मिनिटांत

टेक्सास आणि ऍरिझोना या शहरांमध्ये ग्राहकांना आता आयफोन, सॅमसंग गॅलेक्सी, एअरटॅग्स, स्मार्ट रिंग्ज, व्हिडिओ डोअरबेल्स यांसारखी उत्पादने ड्रोनच्या माध्यमातून अवघ्या १० ते ६० मिनिटांत मिळू शकतात. ही सेवा अमेझॉनच्या MK30 या नव्या प्रकारच्या ड्रोनवर आधारित आहे, जी वजनाने २ किलोपर्यंतची उत्पादने ग्राहकाच्या घरापर्यंत पोहोचवू शकते.

कशी काम करते ही ड्रोन सेवा?

या ड्रोनमध्ये अतिशय प्रगत सेन्सर आणि नेव्हिगेशन तंत्रज्ञान वापरले आहे. यापूर्वी QR कोडद्वारे डिलिव्हरी स्पॉट ओळखले जात होते. पण MK30 ड्रोन स्वतःच आजूबाजूचं निरीक्षण करून सुरक्षित जागा निवडते, उंचीवरून (सुमारे १३ फूट) पॅकेज हलक्या पद्धतीने खाली सोडते

हवामानाचा अचूक अंदाज

अमेझॉनने या सेवेच्या यशस्वी अंमलबजावणीसाठी हवामानाचा ७५ मिनिटांचा अचूक अंदाज देणारी प्रणाली वापरली आहे. खराब हवामान असल्यास ग्राहकांना पूर्वसूचना दिली जाते आणि डिलिव्हरी पुढे ढकलली जाते.

६० हजारपेक्षा अधिक उत्पादने ड्रोनने मिळणार

हे फक्त फोनपुरतं मर्यादित नाही. अमेझॉनने २ किलोहून कमी वजन असलेली ६० हजारहून अधिक उत्पादने या सेवेच्या अंतर्गत आणली आहेत. यामध्ये किचन गॅजेट्स, फिटनेस उपकरणे, स्मार्ट उपकरणे यांचा समावेश आहे.

सध्या ही सेवा अमेरिकेतील काही निवडक शहरांमध्येच सुरू आहे. पण ई-कॉमर्समध्ये स्पर्धा वाढत चालल्यामुळे अशा अत्याधुनिक सेवा लवकरच भारतातही पाहायला मिळण्याची शक्यता आहे. भारतीय ग्राहकांसाठी हे महत्वाचे ठरू शकते जिथे आयफोनसारखी महागड्या वस्तू डिलिव्हरीसाठी दिवसांचा नाही, तर मिनिटांचा विचार केला जाईल.
अमेझॉनची Prime Air सेवा हे ई-कॉमर्सच्या भविष्यातील दृश्य दाखवत आहे जिथे स्मार्ट तंत्रज्ञान, ड्रोन आणि अचूक लॉजिस्टिक्स यामुळे ग्राहकाला मिळणार आहे जलद, सुरक्षित आणि आकर्षक डिलिव्हरी अनुभव. भारतातही ही सेवा येण्याची आतुरतेने वाट पाहिली जात आहे.