Top 5 Cars Under Rs 10 Lakh: दहा लाखांपेक्षा कमी किंमतीत या पाच गाड्या आहेत एकदम बेस्ट

अलीकडे अनेकांसाठी चारचाकी गाडी ही चैन राहिली नसून गरजेची वस्तू झाली आहे. कामानिमित्त किंवा अन्य कोणत्याही कारणाने सतत दीर्घ पल्ल्याचे प्रवास करावे लागत असतील तर बहुतांश युझर्स गाडीतील आरामदायी प्रवासाच्या अनुभवाला प्राधान्य देतात. .मागच्या सीट्सवर बसणाऱ्या प्रवाशांचा आराम आणि त्यांना पाय पसरण्यासाठी असलेली पुरेशी जागा, हा हल्ली अनेकांच्या दृष्टीने महत्त्वाचा निकष झालेला आहे. यामुळे गाडी निवडताना यासंदर्भातील प्रश्नही आवर्जून विचारले जात आहेत. यामुळे कार उत्पादक कंपन्याही आता याकडे लक्ष देऊ लागल्या आहेत..भारतातील चारचाकी वाहनांची बाजारपेठ सतत विस्तारत आहे. अशात मागच्या सीट्सवर आरामदायी अनुभव देणारे चारचाकी गाड्यांचे अनेक पर्याय सध्या उपलब्ध होऊ लागले आहेत. दहा लाख रुपयांपर्यंत उपलब्ध असणाऱ्या व बॅकसीट्ससाठी चांगली लेग-स्पेस असणाऱ्या या पाच गाड्या आवर्जून पाहा..मारुती सुझुकी सियाझबॅकसीट्सवरील कम्फर्ट लक्षात घेताना मारुती सुझुकीची सियाझ ही गाडी चांगली आहे. या गाडीची किंमत अजूनही दहा लाखांच्या आतच आहे. मागच्या सीट्ससाठी इथे भरपूर जागा आहे आणि इतर फीचर्सही चांगली आहेत. या गाडीला १.५ लिटरचे के-सीरिजचे इंजिन आहे. यामुळे गाडीचा परफॉर्मन्सही चांगला असतो. या गाडीची शोरुममधील किंमत ९.४० लाख रुपयांपासून सुरु होते..किया सायरोजया पद्धतीच्या वाहन प्रकारांत किया सायरोज हा नवा पर्याय आता ग्राहकांसाठी उपलब्ध झाला आहे. सायरोजमध्ये बॅक सीट्ससाठी भरपूर जागा आहे. सोनेट या गाडीपेक्षा सायरोजमध्ये किया कंपनीने व्हीलबेस वाढवला आहे. या गाडीत १.० लिटरचे टर्बो पेट्रोल किंवा १.५ लिटरचे डिझेल इंजिन उपलब्ध आहे. या गाडीची शोरुममधील किंमत ८.९९ लाख रुपयांपासून सुरु होते..मारुती सुझुकी अर्टिगाया प्रकारच्या गाड्यांमध्ये मारुती सुझुकी अर्टिगा ही सर्वाधिक लोकप्रिय गाडी आहे. या गाडीत दुसऱ्या रांगेत बसलेल्या प्रवाशांना आरामदायी प्रवासाचा अनुभव मिळतो. या गाडीत १.५ लिटर एनए पेट्रोल के-सीरिजचे इंजिन आहे. या गाडीची शोरुममधील किंमत ८.६९ लाख रुपयांपासून सुरु होते..टाटा अल्ट्रोझया प्रकारच्या गाड्यांमधील ग्राहकांच्या पसंतीची पावती मिळालेली गाडी म्हणजे टाटा अल्ट्रोझ. या गाडीमध्येही बॅकसीट्सवरील प्रवाशांसाठी पुरेशी जागा आहे. यात १.२ लिटर एनए पेट्रोल, १.२ लिटर टर्बो पेट्रोल किंवा १.५ लिटर डिझेल इंजिन असे पर्याय उपलब्ध आहेत. या गाडीची किंमत ६.६४ लाख रुपयांपासून सुरु होते. .Mahindra XUV 3XOमहिंद्रा एक्सयूव्ही ३-एक्सओ या गाडीचा व्हीलबेस जास्त लांब आहे. यामुळे या श्रेणीतील गाड्यांमध्ये सर्वाधिक आरामदायी गाड्यांमध्ये या कारचा समावेश होतो. या गाडीतील बॅकसीट्स प्रचंड आरामदायी आहेत. यात १.२ लिटर टर्बो पेट्रोल किंवा १.५ लिटर डिझेल इंजिन असे पर्याय उपलब्ध आहेत. या गाडीची शोरुममधील किंमत ७.९९ लाख रुपयांपासून सुरु होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.