Gas Cylinder Scam : ‘LPG सिलेंडर हवा आहे का?’ अशा प्रकारच्या 'या' 5 व्हॉट्सॲप मेसेजपासून सावध; एका क्लिकने बँक खाते होऊ शकते रिकामे

सध्या सोशल मीडियावर युद्ध आणि गॅस टंचाईच्या नावाखाली सायबर भामट्यांनी फसवणुकीचा नवा सापळा रचला आहे. तुम्हालाही जर व्हॉट्सअ‍ॅप किंवा मेसेजवर "युद्धामुळे गॅसचा तुटवडा आहे, तुमचे सिलेंडर बुक करण्यासाठी खालील लिंकवर क्लिक करा" किंवा "तुमचे केवायसी (KYC) अपडेट नसल्याने गॅस पुरवठा खंडित होईल" असा मेसेज आला असेल, तर सावध व्हा. ही एक फिशिंग लिंक असू शकते. या लिंकवर क्लिक करताच तुम्ही एका बनावट वेबसाईटवर जाता, जिथे तुमची पर्सनल माहिती आणि बँकेचे डिटेल्स चोरले जातात. सध्याच्या भीतीदायक वातावरणाचा फायदा घेऊन लोकांची बँक खाती रिकामी करण्याचा हा एक मोठा डिजिटल फ्रॉड आहे.