EutelSat OneWeb gets in-space approval : भारती एअरटेलच्या युटेलसॅट वन-वेबला कमर्शिअल सॅटेलाईट ब्रॉडबँड सेवेच्या लाँचिंगसाठी इन-स्पेसकडून आवश्यक परवानगी मिळाली आहे. इन-स्पेस ही सरकारी एजन्सी अंतराळातील क्रियाकल्पांचे नियमन करते. या संस्थेची परवानगी मिळवणारी वनवेब ही पहिलीच कंपनी आहे.
युटेलसॅट वनवेब ही कंपनी युटेलसॅट समूहाचा भाग आहे. या समूहामध्ये तब्बल 648 उपग्रह आहेत, जे पृथ्वीच्या खालच्या कक्षेत फिरतात. यांच्या मदतीने भारतात साधारणपणे 21 Gbps वेगाने इंटरनेट पुरवठा केला जाऊ शकतो.
इन-स्पेस संस्थेची परवानगी मिळाली असली, तरी भारतात अद्याप एअरटेलचं सॅटेलाईट इंटरनेट सुरू होण्यास वेळ लागणार आहे. कारण अद्याप एकाही कंपनीला भारत सरकारने सॅटेलाईट इंटरनेट स्पेक्ट्रमचे हक्क दिलेले नाहीत. या स्पेक्ट्रमचं वाटप करायचं की लिलाव करायचा याबाबत अद्याप निर्णय होणं बाकी आहे. (Tech News)
यूटेलसॅट वनवेबच्या माध्यमातून भारती एअरटेल हे देशाच्या कानाकोपऱ्यात इंटरनेट सेवा पुरवण्याच्या प्रयत्नात आहे. ज्या ठिकाणी मोबाईल टॉवर किंवा ब्रॉडबँड पोहोचू शकत नाही, त्या ठिकाणी देखील सॅटेलाईटच्या माध्यमातून इंटरनेट पोहोचवता येणं शक्य होणार आहे.
दूरसंचार विभागाने यापूर्वीच वनवेब इंडियाला आवश्यक तो परवाना दिलेला आहे. त्यांना गुजरात आणि तामिळनाडूमध्ये दोन गेटवे उभारण्याची परवानगी मिळाली आहे. याव्यतिरिक्त रिलायन्स जिओ आणि स्पेसएक्स या कंपन्या देखील भारतात सॅटेलाईट इंटरनेट लाँच करण्यासाठी जोरदार प्रयत्न करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.