YouTube Alert : आजकाल लोकांना कोणतेही सॉफ्टवेअर किंवा गॅझेट कसे चालवायचे हे माहित नसेल तर ते लगेच Google किंवा YouTube वर जातात. बहुतेक लोकांना YouTube वर माहिती ऐकायला आवडते कारण तेथे ते कोणतेही काम कसे करायचे ते व्हिज्युअलद्वारे सहजपणे पाहू शकतात. तुम्हीही यूट्यूबवर भरपूर ट्युटोरियल व्हिडिओ पाहत असाल तर सावध व्हा कारण या व्हिडिओंच्या निमित्ताने हॅकर्स तुमच्या डिव्हाइसवर मालवेअर इन्स्टॉल करत आहेत. तेव्हा यूट्यूबवरही सावधगिरी बाळगण्याची गरज आहे.
सायबर सिक्युरिटी फर्म क्लाउडसेकच्या संशोधकांनी सांगितले की, YouTube व्हिडिओंद्वारे फसवणूक होण्याचे प्रमाण 200 ते 300 टक्क्यांनी वाढले आहे. हॅकर्स या व्हिडिओंच्या माध्यमातून लोकांच्या सिस्टममध्ये विदार, रेडलाइन आणि रॅकूनसारखे मालवेअर इन्स्टॉल करत आहेत.
तुमच्यासोबतही होऊ शकतो हा स्कॅम
जेव्हा तुम्ही एखादा ट्युटोरियल व्हिडिओ पाहता तेव्हा खाली दिलेल्या वर्णनात तुम्हाला त्या अॅप किंवा सॉफ्टवेअरची लिंक दिली जाते जेणेकरून तुम्ही ते सहजपणे डाउनलोड करू शकता. या लिंक्समध्ये, हॅकर्स मालवेअर लपवतात जे तुमच्या सिस्टमवर इन्स्टॉल होतात आणि नंतर ते तुमची वैयक्तिक माहिती जसे की बँक डिटेल्स इत्यादी चोरतात. काही लोकांना Adobe Premiere Pro चं पेड व्हर्जन चालवायचं नसते, अशा परिस्थितीत ते YouTube वरून सॉफ्टवेअरचं क्रॅक व्हर्जन डाउनलोड करण्याचा मार्ग शोधतात आणि मग येथून घोटाळा सुरू होतो. आणि इथूनच स्कॅमला सुरुवात होते.
व्हिडिओमध्ये तुम्हाला सांगण्यात आले आहे की तुम्ही खाली दिलेल्या लिंकवरून थेट अॅप किंवा सॉफ्टवेअर डाउनलोड करू शकता. लोक या लिंकद्वारे सॉफ्टवेअर डाउनलोड करताच, त्यांची सिस्टम हॅकर्सच्या हाती येते आणि नंतर ते माहिती चोरतात. संशोधनात असेही सांगण्यात आले आहे की प्रत्येक तासाला 5 ते 10 क्रॅक सॉफ्टवेअर व्हिडिओ YouTube वर अपलोड केले जातात, ज्याद्वारे वापरकर्ते या जाळ्यात अडकतात. YouTube चे अल्गोरिदम देखील असे व्हिडिओ सहज ओळखू शकत नाही.
तुम्ही कोणत्याही सॉफ्टवेअर किंवा सेवेची अधिकृत आवृत्ती किंवा सशुल्क आवृत्ती वापरण्याचा सल्ला दिला जातो. तुम्ही तुमच्या सिस्टमवरील क्रॅक आवृत्ती कोणत्याही वेबसाइट किंवा तृतीय पक्षाकडून घेतल्यास, तुमची फसवणूक होऊ शकते. डिजिटल युगात, स्वतःला आणि तुमचा डेटा सुरक्षित ठेवण्याचा एकमेव मार्ग म्हणजे इंटरनेटचा संवेदनशीलपणे आणि सतर्कतेने वापर करणे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.