- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
BMW i Vision Dee car: कंझ्यूमर इलेक्ट्रॉनिक शोमध्ये दरवर्षी काही हटके गॅजेट्स, कारला लाँच केले जाते. यावर्षी देखील काही शानदार गॅजेट्स या इव्हेंटमध्ये सादर झाले आहेत. यातील सर्वाधिक चर्चा BMW च्या कॉन्सेप्ट कारची होतेय.
जर्मन कार निर्माता कंपनी BMW ने CES 2023 मध्ये खास टेक्नोलॉजीसह येणाऱ्या इलेक्ट्रिक कारच्या कॉन्सेप्टला सादर केले आहे. कंपनीचा दावा आहे की ही कार आपोआप रंग बदलू शकते. कंपनीने CES मध्ये आपली हटके कार i Vision Dee ला सादर केले. ही एक इलेक्ट्रिक स्पोर्ट सेडान कार आहे.
कंपनीचा दावा आहे की, ही कार केवळ रंगच बदलत नाही, तर तुमच्याशी संवाद देखील साधू शकते. तसेच, कार गळाभेट देखील घेईल. याआधी देखील कंपनीने iX Flow या रंग बदलणाऱ्या कॉन्सेप्ट कारला सादर केले होते. यावर्षी सादर केलेल्या i Vision Dee कारबाबत कंपनीचा दावा आहे की, गाडीला कमांड दिल्यास ३२ रंग बदलू शकते. एवढेच नाही तर कार 240 E Ink e-paper सेगमेंटने बनलेली आहे, ज्यामुळे सहज कंट्रोल करणे शक्य आहे. कार काही सेकंदात वेगवेगळ्या पॅटर्नमध्ये देखील बदलू शकते.
बीएमडब्ल्यूने प्रसिद्ध बॉडी बिल्टर आणि हॉलिवूड अभिनेता Arnold Schwarzenegger यांच्या उपस्थितीत या कॉन्सेप्ट कारला सादर केले आहे. Arnold यांना घेऊन कंपनीने एक शॉर्ट फिल्म देखील बनवली असून यात ही कार कशाप्रकारे काम करते, याबाबत सांगितले आहे.
हेही वाचा: Elon Musk: इलॉन मस्क राजकारणात एंट्री करणार? पोल घेत म्हणाले...
या टेक्नोलॉजीचा केला वापर
BMW च्या या कॉन्सेप्ट कारमध्ये अमेरिकेतील ई इंक (E Ink) कॉर्पोरेशनद्वारे तयार करण्यात आलेल्या टेक्नोलॉजीचा उपयोग करण्यात आला आहे. ही टेक्नोलॉजी ई-रीडर आणि स्मार्टवॉचमध्ये देखील पाहायला मिळते. कारच्या फिल्म कोटिंगमध्ये मायक्रोकॅप्सूल देण्यात आले आहेत, जे विजेच्या पुरवठ्याने बदलतात. BMW नुसार ही टेक्नोलॉजी ऑटोमोटिव्ह क्षेत्रासाठी खूपच फायदेशीर आहे. ई-पेपर सेगमेंटचा उपयोग कारचे व्हील्स आणि ग्रिलवर देखील करण्यात आला आहे.
कार बाजारात कधी येणार?
BMW ची ही कॉन्सेप्ट कार रस्त्यावर धावताना कधी दिसणार याबाबत कंपनीने माहिती दिलेली नाही. कार एका इन-हाउस रिसर्च अँड डेव्ह लपमेंट (R&D) प्रोजेक्टचा भाग आहे. कॉन्सेप्ट कार असली तरी सर्वांचेच लक्ष या टेक्नोलॉजीकडे वेधले गेले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
