Coffee Drinking Health Benefits : कॉफी हे फक्त उर्जावर्धक पेय नसून, ती तुमच्या आयुष्याला आरोग्यदायी आणि दीर्घायुषी बनविण्यातही महत्त्वाची भूमिका बजावू शकते, असे नव्या संशोधनातून समोर आले आहे. पोर्तुगालमधील युनिव्हर्सिटी ऑफ कोइंब्रा येथे करण्यात आलेल्या संशोधनाने या पेयाचे आरोग्यावर होणारे अनेक सकारात्मक परिणाम उघड केले आहेत.
युरोप, अमेरिका, ऑस्ट्रेलिया आणि आशिया खंडातील लाखो लोकांचा समावेश असलेल्या 85 संशोधनांचा अभ्यास करून, शास्त्रज्ञांनी दररोज सरासरी तीन कप कॉफी पिणाऱ्या व्यक्तींचे आयुष्य सुमारे 1.84 वर्षांनी वाढते, असे निष्कर्ष काढले आहेत. शिवाय, हे वर्ष केवळ आयुष्य वाढवण्यासाठी नसून, गंभीर आजारांपासून मुक्त असलेल्या आरोग्यपूर्ण जीवनासाठीही महत्त्वाचे ठरते.
कॉफी शरीरातील जळजळ आणि चयापचय (मेटाबॉलिझम) यांसारख्या प्रमुख आरोग्यनिर्देशकांवर चांगला प्रभाव टाकते. संशोधकांनी स्मोकिंग, मद्यपान यांसारख्या जीवनशैलीशी संबंधित घटकांवर लक्ष केंद्रित करून केवळ कॉफीचे परिणाम वेगळे काढले आहेत.
कॉफी पिणाऱ्या व्यक्तींना हृदयविकार, स्ट्रोक, कर्करोग, मधुमेह, डिमेंशिया आणि मानसिक आजारांपासून दूर राहण्यास मदत होते.
शिवाय, स्नायूंचे आरोग्य, हृदय व रक्तवाहिन्यांची कार्यक्षमता, मानसिक स्वास्थ्य आणि प्रतिकारशक्ती यावरही सकारात्मक परिणाम होतो.
या संशोधनाचे सहलेखक, न्यूरोसायंटिस्ट रॉड्रिगो कुन्हा यांनी सांगितले की, “कॉफीचे फायदे पारंपरिक वैद्यकीय शिफारसींमध्ये दुर्लक्षित केले गेले होते. मात्र, योग्य प्रमाणात सेवन केल्यास ती वृद्धत्वामुळे होणाऱ्या बायोलॉजिकल प्रक्रियांना प्रतिबंध करते.”
तथ्यांचा दुसरा भाग
याचवेळी, संशोधनात असेही नमूद करण्यात आले आहे की, अनेक अभ्यास स्वतः दिलेल्या माहितीवर आधारित आहेत. तसेच, या संशोधनाला कॉफीशी संबंधित कंपन्यांनी निधी दिल्यामुळे निष्कर्षांवर स्वाभाविकच चर्चा होऊ शकते.
लांब आयुष्यासाठी कॉफी प्या
जागतिक लोकसंख्या झपाट्याने वृद्ध होत असताना, कॉफी हे केवळ एक पेय न राहता आरोग्यदायी जीवनशैलीचा महत्त्वाचा भाग बनू शकते. मात्र, कोणत्याही आहारात बदल करताना वैद्यकीय सल्ला घेणे गरजेचे आहे.
तुमच्यासाठी कॉफी आता फक्त चविष्ट नाही, तर आरोग्यसाठीही लाभदायक आहे. ती तुम्हाला आजारांपासून दूर ठेवण्यास मदत करू शकते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
