Power Bank: भन्नाट! बाजारात आले हटके डिव्हाइस, आता चक्क उन्हात चार्ज होणार स्मार्टफोन-लॅपटॉप

Dexpole Solar Power Bank Details: स्मार्टफोन आणि लॅपटॉप सारखे गॅजेट्स हे आपल्या दैनंदिन आयुष्याचे भाग झाले आहेत. अनेक कामे स्मार्टफोन व लॅपटॉपच्या माध्यमातून सहज करता येतात. मात्र, या डिव्हाइसची प्रमुख समस्या ही चार्जिंग असते. वारंवार चार्जिंग संपत असल्याने कामात अडथळा येतो. बाजारात पॉवर बँक देखील उपलब्ध आहेत. परंतु, या पॉवर बँकला देखील वारंवार चार्ज करावे लागते. मात्र, आता काळजी करण्याची कारण नाही. बाजारात एक खास पॉवर बँक बँक लाँच झाला आहे, जो चक्क उन्हात चार्ज होईल.

हेही वाचा - First Paralympic Winner : मुरलीकांत पेटकर सांगतायत अपंग खेळाडूंसमोरील आव्हाने

Dexpole Solar Power Bank चे स्पेसिफिकेशन्स

Dexpole नावाच्या एका कंपनीने सोलर पॉलर बँकसाठी कॅम्पेन सुरू केले आहे. यामध्ये ६५ वॉट USB-C चार्जिंग सपोर्ट दिला आहे. पॉवर बँक सोलर बॅटरीसह येतो. यामुळे डिव्हाइस उन्हात सहज चार्ज होते. Dexpole Solar Power Bank मध्ये २४००० mAh ची दमदार बॅटरी दिली आहे. याच्या सोलर प्लेटच्या मदतीने डिव्हाइस ५ तासात फुल चार्ज होईल. याचे डिझाइन देखील आकर्षक आहे. याच्या सोलर प्लेटच्या मदतीने डिव्हाइस ५ तासात फुल चार्ज होईल. याचे डिझाइन देखील आकर्षक आहे.

Dexpole Solar Power Bank चे फीचर्स

Dexpole Solar Power Bank मध्ये चार सोलर पॅनेल दिले आहेत. यात वॉल सॉकेटची देखील सुविधा दिली असून, याद्वारे डिव्हाइसला २ तासात फुल चार्ज करू शकता. डिव्हाइसमध्ये एलईडी डिस्प्ले दिला असून, याद्वारे किती चार्जिंग झाली याची माहिती मिळते. हा पॉवर बँक iPhone 14 Pro Max ला ४ वेळा, तर iPad Pro ला दोन वेळा सहज चार्ज करू शकतो. याचे वजन देखील फक्त १.२ किलो आहे. विशेष म्हणजे पॉवर बँक पाण्यात देखील खराब होत नाही.

Dexpole Solar Power Bank ची किंमत

सध्या Dexpole Solar Power Bank वर ४१ टक्के डिस्काउंट दिले जात आहे. याची किंमत १४६ डॉलर (जवळपास ११,८७१ रुपये) आहे. या पॉवर बँकचा वापर तुम्ही कोठेही करू शकता. कंपनी यावर १ वर्षाची वॉरंटी आणि लाइफटाइम कस्टमर सपोर्ट देत आहे.