मुंबई : जगातील सर्वात श्रीमंत व्यक्ती आणि टेस्लाचे मुख्य कार्यकारी अधिकारी एलॉन मस्क आता ट्विटरचे नवे मालक झाले आहेत. हा व्यवहार ४४ अब्ज डॉलर्सना झाला. सुरूवातीला एक पॉडकास्ट म्हणून सुरू झालेला प्रवास ट्विटरपर्यंत कसा पोहोचला हे माहीत आहे का तुम्हाला...
कशी सुरू झाली Odeo पॉडकास्टिंग कंपनी
गुगलचे माजी कर्मचारी इवान विलियम्स आणि बिज़ स्टोन यांनी एक Odeo नावाची पॉडकास्टींग कंपनी सुरू केली होती. २००५ साली सुरू झालेल्या Odeoद्वारे कोणताही संदेश एमपी३मध्ये रुपांतरीत करून मोबाईलवर प्रसारित करता येत असे.
नोआन ग्लासच्या घरात पहिलं कार्यालय
नोआन एक ब्लॉगर नामक कंपनी चालवत होते. ती त्यांनी गुगलला विकली व त्यातून मिळालेल्या पैशांतून एक घर खरेदी केली. त्यामुळे त्यांच्या जुन्या घरात Odeoचं पहिलं कार्यालय थाटण्यात आलं.
अॅपलने iTunes पॉडकास्टींग लॉन्च केले.
Odeoला शह देण्यासाठी २००५साली अॅपलने आयट्यून्स लॉन्च केले. याच दरम्यान असे लक्षात आले की Odeo फारसे ऐकले जात नाहीये.
Twttrची सुरूवात
Odeoचे भविष्य पॉडकास्टींगमध्ये नसल्याचे इवान विलियम्सच्या लक्षात आले. त्यांना सहकाऱ्यांकडे नवीन सूचनांची मागणी केली. कंपनीचे कर्मचारी जैक डोर्सी यांनी Twttr कल्पना मांडली. ती रंजक होती. फेब्रुवारी २००६ साली नोआन ग्लास, जैक डोर्सी आणि एक जर्मन डेवलपर फ्लोरियन वेबरने कंपनी सदस्यांसमोर आराखडा मांडला. अशी या कंपनीची सुरूवात झाली. त्यानंतर ऑक्टोबर २००६ साली Twttrचे नाव Twitter असे करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
