खुशखबर! फेसबुकवरुन कमाईसाठी नवी घोषणा; जाहिरातींच्या माध्यमातून कमवा पैसे

नवी दिल्ली : सोशल नेटवर्कींग साईट फेसबुकने गुरुवारी एक महत्त्वाची घोषणा केलीय, जी आपल्यासाठी फायदेशीर ठरु शकते. फेसबुकने सांगितलंय की, फेसबुकवर छोटे व्हिडीओ बनवणाऱ्यांना जाहिरातीच्या माध्यमातून कमाई करण्याची सुविधा प्राप्त होणार आहे. कंपनीने म्हटलंय की, ते या प्लॅटफॉर्मच्या माध्यमातून असे व्हिडीओ बनवणाऱ्यांसाठी कमाईचा नवा रस्ता बनवण्याच्या योजनेचा विस्तार करत आहे. कोणकोणत्या पद्धतीने ही कमाई करता येईल, हे देखील कंपनीने स्पष्ट केलं आहे. 

हेही वाचा - खुशखबर! आता इंजिनिअर होण्यासाठी गणित, भौतिकशास्त्राची नाही गरज

कंपनीने म्हटलंय की फेसबुकवर व्हिडीओ बनवणाऱ्या लोकांना आता एक मिनिटापर्यंत व्हिडीओ बनवून पैसे कमावता येतील. यामध्ये कमीतकमी 30 सेकंदांपर्यंतची जाहीरात असेल. तीन मिनिट अथवा त्याहून अधिक वेळाच्या व्हिडीओसाठी 45 सेकंदाची जाहीरात दाखवली जाईल.  याआधी केवळ तीन मिनिट अथवा त्याहून अधिक वेळाच्या व्हिडीओवर लोक जाहीरातींच्या माध्यमातून कमाई करु शकत होते. यामध्ये कोणतीही जाहीरत 1 मिनिटांच्या आधी दाखवली जात नव्हती. 

हेही वाचा - खुशखबर! आता Twitter वर करा टिव-टिव आणि कमवा भरघोस पैसे; येणार हे नवीन फिचर
कशा मिळतील जाहीराती?
फेसबुकवर व्हिडीओमध्ये जाहीराती मिळवण्यासाठी आपल्या व्हिडीओजना 6,00,000 मिनिटांपर्यंत पाहणं गरजेचं आहे. सोबतच संबंधित अकाउंटवर 5 अथवा त्याहून अधिक सक्रिय व्हिडीओ अपलोड होणे गरजेचे आहे.