खुशखबर! आता Twitter वर करा टिव-टिव आणि कमवा भरघोस पैसे; येणार हे नवीन फिचर 

नागपूर : Twitter म्हटलं की आपल्या डोळ्यासमोर येतात मोठमोठे सेलिब्रिटीज, राजकारणी आणि काही नामवंत लोकं.  Twitterवर या सर्वांना आपण फॉलो करत असतो. त्यांचे विचार, त्यांची मतं हे लोक परखडपणे मांडत असतात. म्हणूनच Twitter सुद्धा अनेक नवनवीन फिचर आपल्या यूजर्ससाठी आणत असतं. आता Twitterनं अजून एक भन्नाट फिचर आपल्या यूजर्ससाठी आणलं आहे. या फीचरच्या माध्यमातून तुम्ही पैसे कमावू शकणार आहात. कसे ? फीचरबद्दल आज आम्ही तुम्हाला सांगणार आहोत.      

आता Twitterनं आपल्या यूजर्ससाठी एक नवीन आणि खास फिचर आणलं आहे. या नवीन फीचरमुळे यूजर्स पैसे कमावू शकणार आहेत.  यूजर्स आपल्या फॉलोअर्सच्या माध्यमातून कमाई करू शकणार आहेत. चला तर मग जाणून घेऊया.

हेही वाचा - उन्हाळ्यात एसी घ्यायचा म्हणताय? मग तुमच्या एसीमध्ये या...

एका वृत्तसंस्थेच्या अहवालानुसार, Twitter वर तुम्हाला लवकरच काही मोठे बदल बघायला मिळणार आहेत. यामध्ये एक सुपर फॉलो पेमेंट फिचर येणार आहे. याचा उपयोग यूजर्स आपल्या फॉलोअर्सना काही विशेष कन्टेन्ट दाखवण्यासाठी करू शकणार आहेत. ज्यासाठी त्यांच्या फॉलोअर्सकडून त्यांना पैसे मिळू शकणार आहेत. यात बोनस ​ट्वीट, न्यूजलेटरची मेंबरशिप आणि कम्युनिटी ग्रुप यांसारख्या सुविधा शामिल आहेत.  

या अहवालानुसार, Twitter ज्या यूजर्सचे लाखो आणि शेकडो फॉलोअर्स आहेत त्यांना या फीचरचा लाभ घेणार येणार आहे. जर तुम्ही टाकलेली कुठली विशेष पोट पोस्ट तुमच्या फॉलोअर्सना आवडली किंवा ती पोस्ट तुमच्याकडेच असेल तर तुम्ही त्यासाठी तुमच्या फॉलोअर्सकडून पैसे घेऊ शकता. यासाठी तुम्ही एका पोस्ट मागे तब्बल ३६४ रुपयांपर्यंत चार्ज करू शकणार आहात. म्हणजेच जर तुमच्या फॉलोअर्सना तुम्ही टाकलेला विशेष मेसेजे किंवा पोस्ट बघायची असेल तर त्यांना दर महिन्याला तुम्हाला ३६४ रुपये द्यावे लागतील. 

हेही वाचा - वारंवार येणाऱ्या नोटीफिकेशनचा कंटाळा आलाय? मग स्मार्टफोनमधील 'हे' फिचर्स बघा अन् करा...

विशेष म्हणजे तुम्हाला मिळणाऱ्या पैशातून काही पैसे हे Twitter ला तुम्हाला द्यावे लागणार आहेत. मात्र ते पैसे किती असतील याबाबतचा खुलासा अजून कंपनीनं केला नाहीये. मात्र लाखो शेकडो फॉलोअर्स असलेल्या यूजर्सना ही पैसे कमावण्याची अनोखी संधी असणार आहे यात शंका नाही.  

संकलन आणि संपादन - अथर्व महांकाळ