नवी दिल्ली : भारतीय दूरसंचार कंपन्यांनी प्रीपेड डेटाच्या किमती वाढवल्या होत्या. नोव्हेंबरमध्ये एअरटेल, रिलायन्स जिओ आणि व्होडाफोन आयडिया या आघाडीच्या दूरसंचार कंपन्यांनी प्रीपेड डेटाच्या दरात तब्बल २५ टक्क्यांपर्यंत वाढ केली होती. या वाढीचा फटका फेसबुकला बसला आहे. २०२१ च्या चौथ्या तिमाहीत फेसबुकच्या (Facebook) देशातील एकूण वाढीला फटका बसल्याचे कंपनीने सांगितले आहे. (Expensive prepaid plans hit Facebook in India)
आशिया-पॅसिफिक आणि उर्वरित जगामध्ये कोरोनानंतर वापरकर्त्यांमध्ये वाढ झाली आहे. मात्र, भारतात डेटा पॅकच्या किमतीत वाढ झाल्याने वापरकर्त्यांची वाढही मर्यादित राहिली. चौथ्या तिमाहीत फेसबुक (Facebook) वापरकर्त्यांच्या वाढीवर परिणाम झाल्याचे मेटा सीएफओ डेव्ह वेहनर यांनी कंपनीच्या तिमाही कमाईची माहिती देताना बुधवारी उशिरा सांगितले.
एअरटेल (Bharti Airtel), रिलायन्स जिओ (Reliance Jio) आणि व्होडाफोन आयडियाने (Vodafone Idea) प्रीपेड टॅरिफ दरांमध्ये २० टक्क्यांपर्यंत वाढ करण्याची घोषणा केली होती. यानंतर एअरटेलने प्रीपेड टॅरिफ दरात २५ टक्क्यांपर्यंत वाढवले जातील असे सांगितले होते. २६ नोव्हेंबरपासून व्होडाफोन आयडियाने देखील दर २५ टक्क्यांपर्यंत वाढवले आहेत. याचा फटका फेसबुकला बसला आहे.
प्रीपेड डेटा दरवाढीचा सोशल मीडिया प्लॅटफॉर्मवर परिणाम झाला आणि फेसबुकला त्याचा फटका बसला, असे काउंटरपॉइंट रिसर्च डायरेक्टर तरुण पाठक म्हणाले. भारतात लाखो प्रीपेड वापरकर्ते आहेत. नवीन वापरकर्ते झपाट्याने वाढत आहे. प्रीपेड किमतीच्या वाढीनंतर सोशल मीडियाचा वापर कमी झाला. ज्यामुळे फेसबुकच्या (Facebook) वाढीवर परिणाम झाला, असे तरुण पाठक यांनी IANS यांना सांगितले.
भारतात ३५० दशलक्ष फेसबुक वापरकर्ते
एकट्या भारतात ३५० दशलक्ष फेसबुक वापरकर्ते आहेत. यामुळे त्याच्यासाठी भारत आघाडीचा देश आहे. मेटा मालकीच्या व्हॉट्सॲपचे देशात ४०० दशलक्षाहून अधिक वापरकर्ते आहेत. फेसबुकने (Facebook) जागतिक स्तरावर दैनंदिन वापरकर्ते पहिल्यांदाच गमावले आहे. त्यांनी अपेक्षेपेक्षा कमी जाहिरात वाढ नोंदवली आहे. ज्यामुळे त्याचा स्टॉक सुमारे २० टक्क्यांनी घसरले आहे. मोठ्या प्रमाणात स्टॉक घटल्याने त्याचे बाजार मूल्य अंदाजे २०० अब्जानी कमी झाले आहे. कंपनीने पुष्टी केली की आहे की, ही त्याच्या इतिहासातील पहिली अनुक्रमिक घट आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.