Smartwatch: आता घड्याळावरूनच करा थेट कॉल, कमी बजेटमध्ये Fire-Boltt ची शानदार स्मार्टवॉच लाँच

Fire-Boltt Infinity Watch Features: फायर-बोल्टने भारतात आपल्या नवीन स्मार्टवॉचला लाँच केले आहे. कंपनीने Fire-Boltt Infinity ला ५ हजार रुपयांच्या बजेटमध्ये लाँच केले असून, यामध्ये ४ जीबी इन-बिल्ट स्टोरेज, वॉइस असिस्टेंट सपोर्ट, 300+ स्पोर्ट्स मोड, मेटल बॉडी डिझाइन आणि स्मार्ट नॉटिफिकेशन सारखे फीचर्स मिळतील. या वॉचच्या किंमत, फीचर्सविषयी सविस्तर जाणून घेऊया.

Fire-Boltt Infinity ची किंमत

Fire-Boltt Infinity ची किंमत ४,९९९ रुपये आहे. ई-कॉमर्स साइट अ‍ॅमेझॉनच्या माध्यमातून ९ जानेवारीपासून वॉचची विक्री सुरू होईल. वॉच ब्लॅक, गोल्ड आणि व्हाइट रंगात येते.

Fire-Boltt Infinity चे फीचर्स

Fire-Boltt Infinity मध्ये १.६ इंच स्क्रीन दिली असून, याचे रिझॉल्यूशन ४००x४०० पिक्सल, रिफ्रेश रेट ६० हर्ट्ज, स्क्रीन-टू-बॉडी रेशियो ९० टक्के आणि पीक ब्राइटनेस ६०० निट्स आहे. यात ब्लूटूथ कॉलिंगचा देखील सपोर्ट मिळतो.

हेही वाचा: Smart TV Offer: मस्तच! अवघ्या ८ हजारात खरेदी करा ५० इंच स्मार्ट टीव्ही, बंपर ऑफरचा मिळेल फायदा

वॉचला TWS शी देखील कनेक्ट करू शकता. याच्या मदतीने तुम्हाला सहज गाणी ऐकण्याचा आनंद घेता येईल. वॉचमध्ये ४ जीबी इन-बिल्ट स्टोरेज मिळते. तुम्ही सहज ३०० पेक्षा अधिक गाणी स्टोर करू शकता.

Fire-Boltt Infinity मध्ये ३०० पेक्षा अधिक स्पोर्ट्स मोड देण्यात आले असून, याद्वारे डेली अ‍ॅक्टिव्हिटी आणि वर्कआउट ट्रॅक करण्यास मदत मिळेल. याशिवाय वॉचमध्ये वॉइस असिस्टेंट, गुगल असिस्टेंट आणि सिरीचा सपोर्ट मिळेल. वॉचमध्ये HR सेंसर, एक SpO2 मॉनिटर, स्लीप ट्रॅकर, फीमेल हेल्थ ट्रॅकर, 110 पेक्षा अधिक वॉच फेसेज, ब्लूटूथ 4.0, क्रेक रेसिस्टेंस, IP67 डस्ट अँड वॉटर रेसिस्टेंस आणि सोशल मीडिया नॉटिफिकेशन सारखे फीचर्स मिळतील.

हेही वाचा: द मिसिंग टाइल सिंड्रोम ठेवा आपल्यापासून दूर