Independence Day 2023: विविधतेत एकता, भारताच्या ७७ व्या स्वातंत्र्यदिनी GOOGLE Doodle कडून देशाला खास सन्मान

देश आज ७७ वा स्वातंत्र्यदिन साजरा करत आहे. गुगलही हा खास सोहळा आपल्या खास शैलीत साजरा करत आहे. स्वातंत्र्य दिनानिमित्त गुगलने एक अनोखे डूडल तयार केले आहे. 15 ऑगस्टच्या निमित्तानं गुगल सर्चमध्ये गेल्यास इथे तुम्हाला विविध प्रकारचे कापड आणि त्यावर गुगल लिहिलेली एक कलाकृती पाहायला मिळेल.

गुगलने डूडलसोबत पोस्ट केलेल्या टेक्स्टमध्ये म्हटले आहे की, 1947 मध्ये या दिवशी एक नवीन युग सुरू झाले, जेव्हा भारत ब्रिटिश राजवटीपासून स्वतंत्र झाला. १५ ऑगस्टचे हे गुगल डूडल नवी दिल्ली येथील अतिथी कलाकार नम्रता कुमार यांनी डिझाइन केले आहे.

कशी मिळाली प्रेरणा?

कुमार यांनी डूडलमागील विचार आणि त्यांची प्रेरणा याबद्दलही माहिती दिली. या डूडलच्या माध्यमातून तिला देशातील विविध भौगोलिक प्रदेश संतुलित पद्धतीने दाखवायचे असल्याचे तिने सांगितले.नम्रताने सगळ्यात पहिले भारतात अस्तित्वात असणाऱ्या वस्त्रोद्योग आणि हस्तकला प्रकारांची माहिती मिळवली.

नंतर तिने एम्ब्रॉयडरी, एनकम्पासिंग, विविध प्रकारची विणकामं, छापकाम, डाय तंत्र, हातानं कापडावर चित्र रेखाटण्याची कला, या अशा प्रकारांची माहिती मिळवली आणि त्यांचं प्रतिबिंब या डूडलमध्ये साकारलं.

गुगल दोन दशकांपासून स्वातंत्र्यदिन साजरा करत आहे

गुगल डूडल दोन दशकांहून अधिक काळ भारताचा स्वातंत्र्यदिन साजरा करत आहे. दरवर्षी डूडल भारतीय संस्कृती किंवा इतिहासाच्या वेगळ्या पैलूचा गौरव करते. 2004 मध्ये भारतीय स्वातंत्र्य दिनानिमित्त गुगलने पहिले डूडल लाईव्ह केले होते.