Google News : कर्मचाऱ्यांनंतर आता गुगलमध्ये यंत्रमानवांवर संकट; जाणून घ्या कारण

Google News : मंदीच्या भीतीमुळे सध्या अनेक दिग्गज कंपन्यांनी हजारो कर्मचाऱ्यांना कामावरून कमी केले आहे.

हेही वाचा : डिजिटल लोन्स विषयी सर्वकाही

नुकतेच तंत्रज्ञान क्षेत्रातील दिग्गज कंपनी गूगलने मोठी कर्मचारी कपात जाहीर केली होती. त्यानंतर गुगलच्या पॅरेंट कंपनी अल्फाबेटनेही अलीकडेच १२,००० कर्मचाऱ्यांना कमी केले होते. मोठ्या प्रमाणात कर्मचारी कपातीनंतर आता गुगलने यंत्रमानवांबाबत मोठा निर्णय घेण्यात आला आहे.

प्रकाशित वृत्तांनुसार गुगलचे सीईओ सुंदर पिचाई यांनी Google च्या एक्सपेरिमेंटल एक्स लॅबोरेटरीज अंतर्गत अल्फाबेटचा 'एव्हरीडे रोबोट्स' प्रकल्प बंद केला आहे. यामुळे आता कर्मचारी कपातीनंतर गूगलमधील रोबोटवर संकट ओढावले आहे.

गुगल कार्यलयातील कॅफेटेरिया स्वच्छ करण्यात मदत करण्यासाठी कंपनीने 100 एक रोबोट प्रशिक्षित केले होते. यापैकी बरेच टेबल स्वच्छ करण्याबरोबरच कचरा वेगळा करणे आणि त्याचा पुनर्वापर करण्याचे उपयुक्त काम करत होते.

या सर्व रोबोटने कोराना महामारी काळात कॉन्फरन्स रूम स्वच्छ ठेवण्यात मदत केली होती. रोबोट डिव्हिजन बंद झाल्यामुळे त्यातील काही तंत्रज्ञान इतर विभागांसाठी वापरला जाऊ शकतो.