हॅक केलेल्या पासवर्डसाठी तुमचा आयफोन कसा तपासायचा?

एक मजबूत पासवर्ड तुमचे खाते हॅकर्सपासून सुरक्षित करतो तर कमकुवत पासवर्ड तुमचा डेटा आणि ऑनलाइन सुरक्षितता धोक्यात आणू शकतो. तुम्हाला माहिती आहे का? तुमच्या ऍपल डिव्हाइसमध्ये ( आयफोन व आयपॅड) अशी सायबर सुरक्षा वैशिष्ट्ये आहेत, जी तुम्हाला सांगू शकतात की, तुमच्या काही अॅप्सचा डेटा लीक झाला आहे की नाही?

होय, तुमचा आयफोन सांगू शकतो की, तुमच्या गुगल, ट्विटर किंवा अमेझॉन खात्याच्या पासवर्ड हॅक झाला आहे का... फक्त एवढंच नाही तर अतिशय सोप्या पद्धतीने पासवर्ड बदलताही येईल.

तुमच्या अकाऊंट हॅक झालेय का? कसे शोधाल?

१. आपल्या आयफोन किंवा आयपॅडच्या सेटींगमध्ये जा.

२. पासवर्ड ऑप्शन दिसेपर्यंत स्क्रोल डाऊन करा आणि त्यावर टॅप करा.

३. गुगल , ट्विटर किंवा अमेझॉन यापैकी कोणत्याही ऑनलाइन खात्याचा पासवर्ड हॅक झाला असल्यास तुम्हाला येथे सिक्युरिटी रिकमंडेशन दिसतील.

४.पासवर्ड पाहण्यासाठी सुरक्षा शिफारसीवर टॅप करा ज्या खात्यासाठी समस्या आहे किंवा डेटा लीक झाला आहे. हा विभाग तुम्हाला कमकुवत पासवर्ड आणि तो हॅक होण्याच्या शक्यतेबद्दल देखील सूचित करेल.

५.तुम्ही एकतर वेबसाइटवरील पासवर्ड बदलू शकता किंवा लिस्टमधून एंट्री हटवू शकता