Ujjwala Yojana: मोफत मिळेल एलपीजी गॅस कनेक्शन, घरबसल्या असा करा अर्ज

जर तुम्ही थोडं भुतकाळात गेला तर तुम्हाला आठवेल की ग्रामीण क्षेत्रांमध्ये लोक चुलीवर जेवण बनवित होते. पुर्वी जंगलातून लाकूड तोडून आणत असे आणि खूप मेहनत करून आग लावल्यानंतर आपले जेवन बनवत असे. चुलीवरील जेवन भलेही चवीला स्वादिष्ट असते पण त्यापासून निघणारा धुर आपल्या आरोग्यासाठी धोकादायक ठरू शकतात. ही समस्या लक्षात घेता मे २०१६मध्ये प्रधानमंत्री नरेंद्र मोदी यांच्या नेतृत्वामध्ये उज्वला योजनेची सुरूवात झाली होती. या योजनेतंर्गत दारिद्र रेषेखालील कुटुंबाना मोफत गॅस कनेक्शन दिला जातो. जर तुम्हाला अद्याप या योजनेचा लाभ मिळाला नसेल तर तुम्ही आता अर्ज करू शकता. घरगूती गॅस सिलेंडरकनेक्शन मोफत मिळविण्यासाठी अर्ज कसा करावा हे जाणून घ्या

अर्ज करण्याची पध्दत

पहिला टप्पा

जर तुम्ही प्रधानमंत्री उज्वला योजनेचा लाभ घेऊन आपल्या घरामध्ये एलपीजी गॅस कनेक्शन घेऊ इच्छित असाल, तर त्यासाठी तुम्ही सर्वात आधी या योजनेच्या अधिकृत वेबसाईटला www.pmuy.gov.in भेट द्या.

दुसरा टप्पा

तिथे भेट दिल्यानंतर तुम्हाला तीन पर्याय दिसतील. इंडेन, एचपी आणि भारत गॅस . तुम्हाला ज्या गॅस कंपनीची सुविधा हवी आहे ते तुम्हाला दिलेल्या पर्यायांपैकी एका कंपनीची निवडावी लागले.

तिसरा टप्पा

त्यानंतर तुम्ही महत्त्वाची माहिती भरून सबमिटवर क्लिक करा. त्याशिवाय हा फार्म भरून तुम्ही जवळच्या गॅस एजन्सीमध्ये जमा करू शकता.

तुमचे कागदपत्रांच्या पडताळणीनंतर तुम्हाला गॅस कनेक्शन दिले जाईल आणि तेही अगदी मोफत.

कोणाला मिळतो लाभ?

१. फक्त महिलांना

२. दारिद्र्यरेषेखाली कुटंबाला

३, ज्यांचे वय १८ पेक्षा जास्त आहे

४. ज्यांच्या घरामध्ये एलपीजी गॅस कनेक्शन नाही.