TV Remote Tips : अँन्ड्रॉईड असो वा आयफोन, तुमच्या मोबाईलला बनवा टीव्हीचा स्मार्ट रिमोट! फॉलो करा 'या' ट्रिक्स

Mobile Remote : कधीकधी टीव्हीचा रिमोट घरात गायब होतो सोफ्याखाली, बेडखाली जातो तर कधीकधी तो अचानक बंद पडतो.रिमोट नसल्यामुळे टीव्ही चालवणे कठीण होऊन जाते.
Google TV App Mobile Remote
Google TV App Mobile Remoteesakal

Tech Tips : कधीकधी टीव्हीचा रिमोट घरात गायब होतो सोफ्याखाली, बेडखाली जातो तर कधीकधी तो अचानक बंद पडतो.रिमोट नसल्यामुळे टीव्ही चालवणे कठीण होऊन जाते. पण, आता ही समस्या कायमची सोडवण्याची वेळ आली आहे. अश्यात तुमच्या स्मार्टफोनला तुम्ही तुमच्या टीव्हीचा रिमोट बनवू शकता.

गुगल टीव्ही अॅपच्या मदतीने तुम्ही तुमचे Android टीव्ही थेट तुमच्या स्मार्टफोनद्वारे चालवू शकता. म्हणजे चॅनेल बदलणे, आवाज कमी-जास्त करणे, आवडत्या अॅप्स चालू करणे हे सगळे करता येते. आता तुम्हाला घरभर रिमोट शोधत फिरण्याची गरज न पडता हे करता येईल. याचा फायदा अँड्रॉइड आणि आयफोन दोन्ही वापरणार्‍यांना होऊ शकतो.

तुमच्या Android फोनवर किंवा iPhone वर Google TV अॅप इंस्टॉल करून आणि ते तुमच्या टीव्हीशी कनेक्ट करून ते रिमोट म्हणून वापरण्यासाठी काही सोप्या पद्धती खाली दिल्या आहेत.

Google TV App Mobile Remote
Email Delete : ईमेल्सचा भडिमार झालाय? आता चिंता नाही, एका क्लिकवर डिलीट करा हवे तेवढे ईमेल,वापरा सोपी ट्रिक

Android टीव्ही रिमोट

गूगल प्ले स्टोअरमधून Google TV अॅप डाउनलोड करा.

तुमचा टीव्ही आणि फोन एकाच वायफायवरवर असल्याची खात्री करा. जर तुमच्या टीव्हीमध्ये वायफाय नसेल तर ब्लूटूथच्या सहाय्यानेही फोन आणि टीव्ही कनेक्ट करता येतात.

Google TV अॅप उघडा. त्यानंतर खालच्या उजव्या कोपऱ्यात असलेल्या रिमोट (Remote) बटण दाबा.

अॅप तुमच्या आसपासच्या डिव्‍हाइसेस शोधण्यास सुरुवात करेल. तुमच्या टीव्हीचे नाव दिसल्यावर त्याची निवड करा.

तुमच्या टीव्ही स्क्रीनवर एक कोड दिसेल. तो कोड अॅपमध्ये टाका आणि पेअर (Pair) बटण दाबा.

एकदा तुमचा फोन टीव्हीशी कनेक्ट झाल्यावर, तुम्ही तो रिमोटसारखा वापरू शकता.

Google TV App Mobile Remote
Whatsapp Tips : समोरच्याने डिलीट केलेले व्हाट्सअ‍ॅप मेसेज वाचायचे आहेत? वापरा फक्त 'ही' ट्रिक कळेल पूर्ण डिलीट हिस्ट्री

iPhone टीव्ही रिमोट

तुमचे iPhone आणि टीव्ही एकाच वायफायवरवर असल्याची खात्री करा.

App स्टोअरमधून Google TV अॅप डाउनलोड करा.

तुमचे iPhone वर Google TV अॅप उघडा.

स्क्रीनच्या खालच्या उजव्या कोपऱ्यात असलेल्या टीव्ही रिमोट (TV Remote) आकाराचे बटण दाबा.

अॅप आपोआप तुमचा टीव्ही शोधण्यास सुरुवात करेल. जर टीव्ही सापडला नाही तर 'Scan for devices' बटण दाबा.

एकदा टीव्ही दिसला की त्याची निवड करा आणि तुमच्या टीव्ही स्क्रीनवर दिसणारा 6-अंकी कोड अॅपमध्ये टाका.

तुमचे iPhone टीव्हीशी कनेक्ट करण्यासाठी पेअर (Pair) बटण दाबा.

एकदा तुमचा iPhone तुमच्या टीव्हीशी कनेक्ट झाल्यावर, तुम्ही तो रिमोटसारखे वापरू शकता. चॅनेल बदलणे, आवाज कमी-जास्त करणे, व्हिडिओ प्लेबॅक आणि इतर गोष्टींवर नियंत्रण ठेवू शकता.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com