Whatsapp Meta Money Source : आजच्या काळात जगभरात अब्जावधी लोक वापरत असलेलं व्हॉट्सअ‍ॅप हे इन्स्टंट मेसेजिंग अ‍ॅप आपल्या वापरकर्त्यांसाठी पूर्णतः मोफत आहे. ना कोणतं सबस्क्रिप्शन, ना मासिक शुल्क तरीही हे अ‍ॅप चालवतं कोण आणि कमाई होते कशी? हा प्रश्न अनेकांच्या मनात येतो. चला तर मग, पाहूया व्हॉट्सअ‍ॅप चा 'फ्रीमध्ये कमावण्याचा' खेळ नेमका कसा चालतो.
व्हॉट्सअ‍ॅपची सुरुवात २००९ मध्ये झाली. सुरुवातीला एका डॉलरचं वार्षिक शुल्क आकारलं जात होतं. परंतु, फेसबुकने (आताचं मेटा ) २०१४ मध्ये व्हॉट्सअ‍ॅप विकत घेतल्यानंतर हे शुल्क पूर्णपणे बंद करण्यात आलं आणि अ‍ॅप सर्वांसाठी शंभर टक्के मोफत झालं.
व्हॉट्सअ‍ॅपचा सर्वात मोठा कमाईचा मार्ग म्हणजे त्यांचं Business API.
मोठ्या कंपन्या, बँका, ई-कॉमर्स साईट्स, ग्राहक सेवा देणाऱ्या कंपन्या या API द्वारे ग्राहकांशी संवाद साधतात.
यासाठी कंपन्यांना प्रति मेसेज पैसे भरावे लागतात विशेषतः ऑटोमेटेड नोटिफिकेशन्स, कस्टमर सपोर्ट आणि प्रमोशनल मेसेजसाठी.
ही सेवा सामान्य वापरकर्त्यांसाठी नाही, तर मोठ्या व्यवसायांसाठी आहे.
भारत, ब्राझीलसारख्या देशांमध्ये व्हॉट्सअ‍ॅपची UPI आधारित पेमेंट सेवा उपलब्ध आहे.
सध्या ती मोफत असली तरी, भविष्यात मोठ्या प्रमाणावर व्यवहार झाले की कमिशन आकारण्याची शक्यता नाकारता येत नाही.
यातून बिझनेस आणि ग्राहक यांच्यातील व्यवहार सोपे होतात, जे मेटासाठी नवा कमाईचा मार्ग आहे.
व्हॉट्सअ‍ॅपवर थेट जाहिराती नसल्या तरी मेटा आपल्या जाहिरात नेटवर्कचा (Facebook, Instagram) उपयोग करून ग्राहकांना ब्रँडशी व्हॉट्सअ‍ॅपवर जोडतो.
म्हणजे, फेसबुकवर तुम्हाला एखादी जाहिरात दिसते आणि त्यावर क्लिक केल्यास तुम्ही थेट व्हॉट्सअ‍ॅप चॅटवर पोहोचता जिथे ब्रँड तुमच्याशी संवाद साधतो.
या प्रक्रियेतून मेटाला जाहिरातदारांकडून मोठ्या रकमा मिळतात.
WhatsApp Business App हे लहान व्यावसायिकांसाठी सध्या मोफत आहे.
मात्र भविष्यात प्रीमियम फीचर्स जसे की अधिक चॅटबॉट्स, एनालिटिक्स, ऑटोमेशन यासाठी वापरकर्त्यांकडून शुल्क घेतलं जाऊ शकतं.
व्हॉट्सअ‍ॅप वापरकर्त्यांचा डेटा थेट विकला जात नाही, पण त्यांच्या वापराच्या पद्धतींचा अभ्यास केला जातो.
याचा उपयोग मेटाच्या फेसबुक आणि इंस्टाग्रामवरील टार्गेटेड जाहिरातींसाठी केला जातो हे अप्रत्यक्षपणे मेटासाठी प्रचंड महसूल मिळवून देतं.
आपल्याला वाटतं की व्हॉट्सअ‍ॅप फ्री आहे, आणि तसं आहेही. पण त्यामागे सतत चालणारा बिझनेस मॉडेलचा मेंदू काम करत असतो. बिझनेस API, जाहिरातींच्या माध्यमातून लिंक, पेमेंट सुविधा, आणि भविष्यातील प्रीमियम सेवा हे सगळं मिळून मेटा व्हॉट्सअ‍ॅपवरून अब्जावधींची उलाढाल करते.
म्हणजेच, तुम्ही वापरत असलेल्या फ्री अ‍ॅपमागे आहे जबरदस्त 'बिझनेस ब्रेन'. फ्री सेवा ही फक्त सुरुवात असते त्यामागे खऱ्या अर्थानं मोठं अर्थकारण लपलेलं असतं!
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
