Instagram Outage: इंस्टाग्राम युजर्ससाठी मोठी बातमी! अचानक अकाउंट होतायेत सस्पेंड

instagram outage : सर्व सोशल मीडिया साइट्स इंस्टाग्राम वापरकर्त्यांची संख्या मोठ्या प्रमाणात वाढली आहे, यादरम्यान अचानक त्यांचे खाते सस्पेंड केले जात असल्याचा इशारा देण्यात आला आहे. युजर्स सोशल मीडियावर या अलर्टचा फोटोही शेअर करत आहेत. मिळालेल्या माहितीनुसार, काही युजर्सना दुपारी 1 वाजता हा इशारा मिळू लागला.

मिळालेल्या माहितीनुसार, युजर्सना अलर्टसह सांगण्यात आले होते की त्यांच्याकडे 30 दिवस आहेत, त्यानंतर त्यांचे खाते सस्पेंड केले जाईल. हा इशारा हजारो वापरकर्त्यांना देण्यात आला आहे. कम्युनिटी गाइडलाईन्सचे पालन न केल्यामुळे ही कारवाई केली जात असल्याचे मानले जात आहे.

दरम्यान यानंतर इंस्टाग्राम युजर्समध्ये प्रचंड संतापाची लाट उसळली आणि त्यांनी हा राग त्यांच्या ट्विटर अकाउंटवर काढला जात आहे, एक-दोन नव्हे तर हजारो यूजर्स आपला राग काढत आहेत. काही काळापूर्वी व्हॉट्सअॅप दोन तास बंद पडल्यानंतरही युजर्समध्ये प्रचंड संताप व्यक्त केला होता आणि काही दिवसांनंतर आता इन्स्टाग्राममध्ये एवढी मोठी समस्या निर्माण झाल्यानंतर प्रश्न उपस्थित केले जात आहेत.

काही युजर्सना अशी समस्या देखील दिसली की अकाऊंटमध्ये कोणतीही अ‍ॅक्टिव्हिटी होत नाही आणि त्यांचे अकाउंट एक प्रकारे फ्रीज झाले होते, ज्यामुळे यूजर्स काळजीत पडल्याचे पाहायला मिळाले. जी काही वॉर्निंग देण्यात आली आहे, त्यात असं म्हटलं जात आहे की, कम्युनिटी गाइडलाइन्समुळे तुमचे खाते सस्पेंड केले जात आहे. दरम्यान इंस्टाग्राम वापरकर्ते इतर सोशल मीडिया प्लॅटफॉर्मवर स्क्रीनशॉट देखील शेअर करत आहेत. तसेच अनेक युजर्सचे म्हणणे आहे की डाऊनसोबतच त्यांच्या फॉलोअर्सची संख्याही कमी होत आहे. 

आम्हाला माहिती आहे की तुमच्यापैकी काहींना तुमच्या Instagram खात्यात वापरण्यात अडचणी येत आहेत. आम्ही ते पाहत आहोत आणि गैरसोयीबद्दल दिलगीर आहोत, असे इंस्टाग्रामने म्हटले आहे.