JIO ChatGPT : आता ChatGPT ची मोहिनी देशातील मोठ्या कंपन्यांपैकी एक असलेल्या रिलायन्स जिओला पडली आहे. आता हे app जिओच्या सेवेत दिसणार आहे. Jio Haptic Technology Limited या रिलायन्स जिओ प्लॅटफॉर्मची उपकंपनीने नुकतीच घोषणा केली आहे की ते चॅटजीपीटी वापरून चॅटबॉट्स तयार करणार आहेत जे मानवांसारखे कार्य करतात. कंपनी मोठ्या उद्योगांसाठी बॉट्स बनवेल, ज्यामध्ये ChatGPT AI आणि Generative AI वापरण्याचे नियोजन सुरू आहे .
Jio Haptic ने चार बीटा फीचर्स लाँच केले तेव्हा ही माहिती दिली. हे बिटा फीचर्स लेटेस्ट जनरेटिव्ह एआय टेक्नॉलॉजीला सपोर्टीव्ह असतील. मीडिया रिपोर्ट्सनुसार, हॅप्टिकचे सह-संस्थापक आणि मुख्य तंत्रज्ञान अधिकारी स्वपन राजदेव म्हणाले, "हॅप्टिकमध्ये, अधिक अचूकतेसाठी बॉट प्रशिक्षण डेटा वाढविण्यासाठी आम्ही आधीपासूनच GPT 2 आणि GPT 3 वापरत आहोत.
माणसांसारखे बोलतील
स्वपन पुढे म्हणाले, “चॅटजीपीटी जीपीटी-३.५ वापरते आणि ते पूर्णपणे वेगळे आहे. आमच्या चार आगामी बीटा लॉन्चची घोषणा करताना मला आनंद होत आहे कारण हे तुमच्या बॉटला मानवासारखे कार्य करायला लावू शकतात. ते म्हणाले की हे चॅटबॉट्स अनेक तासांच्या मॅन्युअल प्रशिक्षण आणि प्रयत्नांशिवाय तुमच्या ग्राहकांशी खुलेपणाने संवाद साधू शकतात.
ग्राहक संबंध अधिक चांगले होतील
कंपनीने म्हटले आहे की GPT-3.5 च्या उदयामुळे Haptic ला चॅटबॉट प्रतिसादांची अचूकता सुधारण्यास मदत होईल. अचूक चॅटबॉटचा फायदा घेऊन, माणसांप्रमाणे संवाद साधणाऱ्या कंपन्या कस्टमर एक्सपिरीयन्स सुधारण्यास सक्षम असतील. यामुळे एंटरप्राइझसह ग्राहकांच्या सहभागामध्ये सुधारणा होईल. हे बॉट्स ड्रॉप-ऑफ कमी करतील आणि यामुळे ग्राहक संबंध अधिक मजबूत होतील.
असा होईल आपला फायदा
Haptic ने सांगितले की, त्यांची नवीन बीटा वैशिष्ट्ये त्यांच्या सर्व ग्राहकांसाठी उपलब्ध करून दिली जातील आणि ती संपूर्ण प्लॅटफॉर्मवर तैनात केली जातील. ही कंपनी वेगवेगळ्या उद्योगांना चॅटबॉट सुविधा पुरवणार आहे. जर तुम्ही या कंपन्यांच्या वेबसाइट किंवा अॅपवर गेलात, तर हे चॅटबॉट्स तुमच्याशी माणसांप्रमाणे बोलतील आणि प्रश्नाशी संबंधित प्रत्येक माहिती देतील. याशिवाय यूजर्सच्या समस्या सोडवण्यातही मदत होईल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.