Jio Phone 5G : लवकरच लॉंच होऊ शकतो जिओचा 5G फोन, जाणून घ्या किंमत

देशातील सर्व टेलिकॉम कंपन्या 5G लाँच करण्यासाठी सज्ज आहेत. Jio, Airtel आणि Vodafone Idea या तिन्ही कंपन्यांनी 5G चाचणी पूर्ण केली आहे आणि व्यावसायिक लॉन्च देखील लवकरच होईल. गेल्या वर्षी, Google च्या भागीदारीत, Jio ने 4G स्मार्टफोन Jio Phone Next सादर केला होता आणि आता समोर आलेल्या माहितीनुसार Jio ही 5G फोनची तयारी करत आहे. रिपोर्टनुसार, जिओ फोन 5G लवकरच लॉन्च केला जाऊ शकतो.

Jio Phone 5G कधी लाँच होईल?

जिओ फोन 5G बद्दल सांगितले जात आहे की हा फोन या वर्षाच्या अखेरीस लाँच केला जाईल. जिओ फोन 5G ची किंमत ही 12,000 रुपयांच्या जवळपास असू शकते आणि जर हे खरेच असेल तर हा देशातील सर्वोत्तम 5G फोन असू शकतो. मात्र दुसऱ्या एका रिपोर्टनुसार जिओ फोन 5G ची किंमत फक्त 2,500 रुपये असेल. त्यासोबतच जिओ फोन 5G हा फीचर फोन असेल अशीही अपेक्षा आहे. याशिवाय, असा दावाही केला जात आहे की, 2,500 रुपयांचे डाउन पेमेंट असेल आणि उर्वरित रक्कम ईएमआयद्वारे भरावी लागेल. फोनसोबत कॉलिंग आणि डेटा सारख्या सुविधा दिल्या जाऊ शकतात.

Jio Phone 5G चे संभाव्य स्पेसिफिकेशन्स

जिओ फोन 5G च्या वैशिष्ट्यांबद्दल बोलायचे झाले तर, यात 6.5-इंचाचा HD + IPS LCD डिस्प्ले मिळू शकतो, ज्याचे रिझोल्यूशन 1600x720 पिक्सेल असेल. फोनला स्नॅपड्रॅगन 480 5G प्रोसेसर आणि 4 GB रॅमसह 32 GB स्टोरेज मिळेल. हा सर्वात स्वस्त 5G प्रोसेसर आहे.

कॅमेऱ्याबद्दल बोलायचे झाल्यास जिओ फोन 5G सह ड्युअल रियर कॅमेरा सेटअप मिळू शकतो ज्यामध्ये प्रायमरी लेन्स 13 मेगापिक्सेल आणि दुसरी लेन्स 2 मेगापिक्सेल मॅक्रो असेल. समोर 8-मेगापिक्सलचा सेल्फी कॅमेरा मिळू शकतो. जिओ फोन 5G मध्ये Pragati OS देखील आढळू शकते जे जिओ फोन Next मध्ये देण्यात आली आहे.