Jio True 5G : या तीन कारणांमुळे तुम्हाला 5G नेटवर्क मिळणार नाही

मुंबई : Jio 5Gचा अॅक्सेस दिल्ली, मुंबई, कोलकाता आणि वाराणसी येथील वापरकर्त्यांसाठी फक्त बीटा चाचण्यांद्वारे उपलब्ध आहे. Jio True 5G साठी, कंपनी वापरकर्त्यांना आमंत्रण कोड मेसेज करत आहे.

Jio True 5G बाबत कंपनीने सांगितले आहे की या वर्षाच्या अखेरीस त्यांची 5G सेवा बहुतांश ठिकाणी सुरू होईल. Jio True 5G मधील एक समस्या म्हणजे अनेक लोक ते वापरू शकत नाहीत. आता आपण जाणून घेणार आहोत की, Jio True 5G चे नेटवर्क न मिळाल्याने काय होऊ शकते ?

तुमच्याकडे 5G स्मार्टफोन असणे आवश्यक आहे, तरच तुम्ही 5G सेवा वापरण्यास सक्षम असाल. तुमच्याकडे 5G रेडी किंवा 5G स्मार्टफोन असेल तरच तुम्ही Jio किंवा Airtel दोन्ही कंपन्यांचे 5G नेटवर्क वापरण्यास सक्षम असाल.

येथे आणखी एक गोष्ट लक्षात घेण्यासारखी आहे की सर्व 5G फोन Jio च्या 5G ला सपोर्ट करणार नाहीत. काही फोनसाठी अपडेट जारी केले जाईल, त्यानंतरच ते 5G ला सपोर्ट करेल.

तुमच्या फोनमध्ये काही अपडेट असेल तर लगेच इन्स्टॉल करा. Jio 5G नेटवर्क तुमच्या फोनमध्ये तेव्हाच काम करेल जेव्हा तुमच्या नंबरवर 239 रुपये किंवा त्याहून अधिकचा प्लॅन सक्रिय असेल. जिओने अद्याप असे कोणतेही विधान केलेले नसले तरी टेलिकॉम टॉकने ही माहिती दिली आहे.

शहरांची निवड

तुम्ही जिओ ट्रू 5G ची बीटा चाचणी सध्या सुरू असलेल्या शहरांमध्ये आहात की नाही याची माहिती घ्या. तुम्ही यापैकी कोणत्याही शहरात दिल्ली, मुंबई, कोलकाता किंवा वाराणसीमध्ये असाल तरच तुम्हाला Jio True 5G नेटवर्क मिळेल. 2023 पर्यंत ते देशाच्या कानाकोपऱ्यात विस्तारले जाईल.