मतदार ओळखपत्रात घरबसल्या अपडेट करा नवीन पत्ता, वाचा सोपी प्रोसेस | Voter ID card | Sakal
sakal

बोलून बातमी शोधा

Voter card

मतदार ओळखपत्रात घरबसल्या अपडेट करा नवीन पत्ता, वाचा सोपी प्रोसेस

sakal_logo
By
टीम-ईसकाळ

मतदार ओळखपत्र हे भारतीय निवडणूक आयोगाने भारतीय नागरिकांना दिलेले ओळखपत्र असून हे भारतीय नागरिकांसाठी ओळखीचा पुरावा किंवा पत्ता पुरावा म्हणून देखील काम करतो. तसेच निवडणुकीदरम्यान मतदान करण्यासाठी तुमच्याकडे मतदार ओळखपत्र असणे आवश्यक आहे. हे कार्ड फक्त मतदानासाठीच वैध नाही, तर अनेक सरकारी योजनांचा लाभ देखील या ओळखपत्राच्या आधारे दिला जातो. भारतीय निवडणूक आयोगाच्या मते, मतदानासाठी पात्र असलेल्या प्रत्येक नागरिकाकडे मतदार ओळखपत्र असू शकते.

विधानसभेच्या निवडणुका जवळ आल्या आहेत आणि कोणत्याही कारणास्तव तुम्ही इतर ठिकाणी स्थलांतरित होणार असाल तर तुमच्या मतदार ओळखपत्रावरील पत्ता बदलायला विसरू नका. हा पत्ता बदलणे अगदी सोपे आहे आणि ते प्रकारे करता येत एक ऑफलाइन आणि घरबसल्या ऑनलाइन. तुम्हाला तुमचा पत्ता ऑफलाइन बदलायचा असल्यास, तुमच्या सध्याच्या पत्त्याच्या पुराव्यासह तुमच्या मतदारसंघाच्या निवडणूक अधिकाऱ्याकडे अर्ज करावा लागेल.

हेही वाचा: Redmi चा सर्वात स्वस्त 5G फोन; काय असेल किंमत-स्पेसिफिकेशन्स?

ऑनलाइन मतदार ओळखपत्रातील पत्ता बदलण्यासाठी तुम्हाला खाली देण्यात आलेल्या स्टेप्स फॉलो कराव्या लागतील.

  • पहिल्यांदा तुम्हाला राष्ट्रीय मतदार सेवा पोर्टल www.nvsp.in वर लॉग इन करावे लागेल

  • तुम्ही इतर कोणत्याही मतदारसंघात गेला असल्यास 'ऑनलाइन एप्लिकेशन फोर रजिस्ट्रेशन ऑफ न्यू वोटर/ ट्रांसफर फ्रॉम AC टू AC' अंतर्गत फॉर्म 6 वर क्लिक करावे लागेल.

  • तुम्ही एकाच मतदारसंघातील एका ठिकाणहून दुसरीकडे स्थलांतरीत झाले असल्यास, फॉर्म 8A वर क्लिक करा.

  • येथे तुमचे नाव, जन्मतारीख, राज्य, मतदारसंघ, सध्याचा कायमचा पत्ता यासह सर्व आवश्यक तपशील भरा.

  • काही तपशील पर्यायी आहेत जसे की ईमेल एड्रेस आणि मोबाइल नंबर. ते देखील भरा.

  • फोटो, पत्त्याचा पुरावा आणि वयाच्या पुराव्यासह सर्व सहाय्यक कागदपत्रे अपलोड करा.

  • अपलोड केलेल्या सर्व कागदपत्रांसह फॉर्म ऑनलाइन सबमिट करा.

  • आता, डिक्लेरेशन ऑप्शन भरा आणि कॅप्चा एंटर करा.

  • सर्व तपशील व्हेरिफाय करा.

हेही वाचा: Hyundai ची Ionic 5 इलेक्ट्रिक SUV; सिंगल चार्जवर धावेल 481 किमी

loading image
go to top