कशी असेल LML ची पहिली इलेक्ट्रिक स्कूटर? लॉंचपूर्वीच फोटो झाला लीक
LML Star Electric Scooter: 90 च्या दशकातील लोकप्रिय कंपनी LML (लोहिया मशिनरी लिमिटेड) च्या पहिल्या इलेक्ट्रिक स्कूटरचा फोटो लीक झाला आहे. एका रिपोर्टनुसार, कंपनी 29 सप्टेंबरला एकाच वेळी तीन प्रॉडक्ट लॉन्च करणार आहे. यामध्ये इलेक्ट्रिक स्कूटर, इलेक्ट्रिक मोटरसायकल तसेच लोकप्रिय इलेक्ट्रिक हायपरबाइक यांचा समावेश आहे. सध्या समोर आलेल्या LML च्या ई-स्कूटरच्या फोटोमध्ये ते Ather Energy च्या ई-स्कूटरसारखे दिसत आहे.
भारतीय बाजारपेठेत सध्या उपलब्ध असलेल्या बजाज, ओला, ओकिनावा, हिरो यांसारख्या कंपन्यांच्या इलेक्ट्रिक स्कूटरला टक्कर देणार आहे.LML ची Vespa स्कूटर 90 च्या दशकात खूप लोकप्रिय होती. नंतर कालांतराने, देशातील LML वाहनांची लोकप्रियता कमी झाली.
LML स्टारचे फीचर्स आणि स्पेसिफिकेशन्स
ज्या LML इलेक्ट्रिक स्कूटरचा फोटो समोर आला आहे त्याचे नाव LML Star आहे.आता त्याचे फोटो व्हायरल होऊ लागले आहेत. फोटोमध्ये त्याचे डिझाइन, स्पेसिफिकेशन आणि फीचर्सशी संबंधित अनेक महत्त्वाची माहिती समोर आली आहे. या इलेक्ट्रिक स्कूटरच्या पुढील बाजूस काळ्या रंगाचा ऍप्रन देण्यात आला आहे. स्कूटरवर 7-इंचाचा डिजिटल इन्स्ट्रुमेंट कन्सोल देखील दिसत आहे. यात ब्लूटूथ कनेक्टिव्हिटी, नेव्हिगेशन आणि इतर अनेक फीचर्स मिळणे अपेक्षित आहे.
हेही वाचा: Jio Phone 5G: 'जिओ'च्या पहिल्या 5G फोनची किंमत उघड! 'या' फीचर्ससह होणार लॉंच
डिझाइन पाहता, हे माहित आहे की यात एलईडी हेडलॅम्प, एलईडी टेल लॅम्प, एलईडी डीआरएल आणि एलईडी टर्न इंडिकेटर मिळतील.स्टारच्या पुढील आणि मागील दोन्ही चाकांमध्ये डिस्क ब्रेक देण्यात आले आहेत. ज्यामध्ये अलॉय व्हील्स आणि ट्यूबलेस टायर जोडण्यात आले आहेत. सस्पेन्शन सिस्टीममध्ये समोरच्या बाजूला टेलिस्कोपिक फॉर्क्स आणि मागील बाजूस मोनोशॉक सस्पेन्शन सिस्टीम देण्यात येऊ शकते. .
LML इलेक्ट्रिकने आपल्या इलेक्ट्रिक वाहनाचे तंत्रज्ञान आणि डिझाइन विकसित करण्यासाठी जर्मन इलेक्ट्रिक दुचाकी कंपनी eROCKIT (eROCKIT) शी हातमिळवणी केली आहे .भारतीय बाजारपेठेत, एलएमएल स्टार टीव्हीएस आयक्यूब, बजाज चेतक, एथर, ओला इलेक्ट्रिक, ओकिनावा, प्युअर ईव्ही, हिरो इलेक्ट्रिक सारख्या कंपन्यांच्या अनेक मॉडेल्सशी स्पर्धा करू शकते.
हेही वाचा: लॅपटॉप मागवला, मिळालं कपडे धुण्याचे साबण; फ्लिपकार्टनेही केले हात वर, आता...
एका चार्जवर चालेल 120Km
LML ची पहिली इलेक्ट्रिक हायपरबाईक लाँच करेल जी पेडल-असिस्ट तंत्रज्ञानाने सुसज्ज असेल. या मोटरसायकलबद्दल फारशी माहिती उपलब्ध नाही. असे मानले जाते की जर्मन प्रॉडक्ट बेस्ड इलेक्ट्रिक बाइक पूर्ण चार्ज केल्यावर 120Km ची रेंज देईल. त्याची इलेक्ट्रिक मोटर 20 bhp पॉवर जनरेट करेल. या हायपरबाईकचा टॉप स्पीड 90 किमी/ताशी असू शकतो. या इलेक्ट्रिक हायपरबाईकची डिलिव्हरी जानेवारी 2023 मध्ये सुरू होईल. यानंतर कंपनी इलेक्ट्रिक स्कूटर लॉन्च करेल आणि ऑगस्ट 2023 पासून त्याची डिलिव्हरी सुरू होईल.
हायपरबाइक म्हणजे काय?
eROCKIT ही एक पेडल-पावर्ड इलेक्ट्रिक मोटरसायकल आहे, ज्याला हायपरबाईक असेही म्हणतात. हे पेडलिंगसह सहजतेने चालवता येते. याचा टॉप स्पीड 90 किमी/ता पेक्षा जास्त आहे, जो प्रगत बॅटरी आणि इलेक्ट्रिक डायरेक्ट ड्राइव्ह मोटरसह येतो.
