Maruti Car: दरमहिना फक्त २० हजार द्या अन् घरी घेऊन जा १० लाखांची गाडी, जाणून घ्या संपूर्ण डिटेल्स

Maruti Baleno Alpha Details: मारुती सुझुकीची लोकप्रिय हॅचबॅक कार Baleno कंपनीच्या बेस्ट सेलिंग गाड्यांपैकी एक आहे. गाडीचे टॉप व्हेरिएंट अल्फा (Alpha) शानदार फीचर्ससह येते. या गाडीची किंमत जवळपास १० लाख रुपये आहे. परंतु, तुम्ही अवघ्या ९९ हजार रुपयांच्या डाउन पेमेंटवर गाडीला घरी घेऊन जाऊ शकता.

Maruti Baleno Alpha च्या किंमत, फीचर्स, माइलेज आणि इंजिनविषयी सविस्तर जाणून घेऊया.

Maruti Baleno Alpha ची किंमत

Maruti Baleno Alpha ची एक्स-शोरूम किंमत ९,२१,००० रुपये आहे. तर ऑन-रोड किंमत १०,३२,१२० पर्यंत जाते. तुम्ही जर रोख रक्कमेसह गाडीला खरेदी केल्यास १०.३ लाख रुपये खर्च करावे लागतील.

तुम्ही गाडीला ९९ हजार रुपयांच्या डाउन पेमेंटवर देखील घरी घेऊन जाऊ शकता. ९९ हजार रुपये डाउन पेमेंट केल्यास ९,३३,१२० रुपयांपर्यंत कर्ज घ्यावे लागेल.

९९ हजार रुपये डाउन पेमेंट केल्यानंतर तुम्हाला पुढील ५ वर्ष दरमहिन्याला १९,७३४ रुपये ईएमआय भरावा लागेल. अशाप्रकारे, अवघ्या ९९ हजार रुपयात मारुती बलेनो अल्फा कार तुमची होईल.

हेही वाचा: Bestseller Phone: 'हा' आहे भारतातील सर्वाधिक विक्री होणारा स्मार्टफोन, किंमत-फीचर्सने ग्राहकांना लावले वेड

Maruti Baleno Alpha मध्ये मिळेल पॉवरफुल इंजिन

Maruti Baleno Alpha हॅचबॅक कारमध्ये कंपनीने ११९७ सीसीचे पॉवरफुल इंजिन देण्यात आले असून, हे इंजिन ८८.५० बीएचपी पॉवर आणि ११३ एनएम पीक टॉर्क जनरेट करते. कंपनीचा दावा आहे की, कार प्रती लीटर २२.३५ किमी माइलेज देते.

Maruti Baleno Alpha मध्ये हेड अप डिस्प्ले, 360 डिग्री व्ह्यू कॅमेरा, मल्टी फंक्शन स्टेअरिंग व्हील, ऑटो क्लाइमेट कंट्रोल, इंजिन स्टार्ट स्टॉप बटन, अँटी लॉक ब्रेकिंग सिस्टम, फ्रंट सीटवर ड्यूल एयरबॅग्स, ईबीडीसह अँटी लॉक ब्रेकिंग सिस्टम सारखे फीचर्स मिळतील.

हेही वाचा: द मिसिंग टाइल सिंड्रोम ठेवा आपल्यापासून दूर