नवीन Maruti Balenoची बुकिंग सुरु, लाँच कधी होणार जाणून घ्या

नवी दिल्ली : कार बनवणारी देशातील सर्वात मोठी कंपनी मारुती सुझुकीचे (Maruti Suzuki) लोकप्रिय माॅडल बलॅनोच्या नवीन आणि फेसलिफ्ट व्हर्जनचे लोक खूप दिवसांपासून प्रतिक्षा पाहत आहेत. मात्र समोर आलेल्या वृत्तानुसार आता तुमची प्रतिक्षा संपणार आहे. नव्या माहितीनुसार कंपनी या महिन्यात Baleno Facelift ला लाँच करेल आणि त्यासाठी नोंदणी लवकरच सुरु होणार आहे. आतापर्यंत समोर आलेल्या माहितीनुसार कंपनी १० फेब्रुवारीला मारुती सुझुकी फेसलिफ्ट ही कार लाँच करु शकते. ही लोकप्रिय कार पसंत करणाऱ्यांसाठी ही एक चांगली बातमी आहे. जर तुम्ही ही कार खरेदी करु इच्छित असाल तर एक फेब्रुवारीपासून तिची बुकिंग सुरु झाली आहे.(Maruti Suzuki Baleno Facelift Booking Starts From 1st February)

नवीन माॅडलमध्ये हे असेल खास

नवीन माॅडलबाबत लीक झालेल्या माहितीनुसार Maruti Baleno 2022 मध्ये नवीन आणि रुंद ग्रिलसह सर्वोत्तम हेडलॅम्प पाहायला मिळाले. याबरोबरच नवी मारुती सुझुकी बलॅनोत एचयूडी, ईएसपी, ६ एअरबॅग आणि वायरलेस चार्जिंग सुविधासारखे प्रीमियम फिचर्स असण्याची शक्यता आहे. मारुतीच्या सर्वाधिक विकणाऱ्या कारमध्ये (Maruti's Best Selling Cars) एक बलॅनोच्या अपडेटेड व्हर्जनमध्ये फ्रंट बंपर, एलईडी सिग्नेचरसह नवीन स्प्लिट टेललाईट्स, ड्युअल टोन अलाॅय व्हिल्ज आणि सर्वोत्तम बंपरही असेल. (Maruti Suzuki Baleno Booking News Updates)

हे फिचर्सही असतील

जर या कारच्या इतर फिचर्सबाबत बोलाल तर यात टोयोटाच्या मदतीने विकसित एक फ्लोटिंग टचस्क्रिन इन्फोटेनमेंट सिस्टिम, एक हेड अप डिस्प्ले, वायरलेस चार्जिंग सुविधा, क्रूझ कंट्रोल, पुश-बटन, इंजिन स्टार्ट आणि स्टाॅप, नवीन एअर कंडिशनिंग वेंट्स आदींचा समावेश आहे.