Mark Zuckerberg Tweet : तब्बल ११ वर्षांनी मार्क झुकरबर्गने केलं ट्विट! मीम पोस्ट करून इलॉन मस्कला डिवचलं

हे ट्विट सध्या मोठ्या प्रमाणात व्हायरल होत आहे.
Mark Zuckerberg Tweet
Mark Zuckerberg TweeteSakal

मेटा कंपनीचे सीईओ मार्क झुकेरबर्ग यांनी केलेलं एक ट्विट सध्या मोठ्या प्रमाणात व्हायरल होत आहे. याचं कारण म्हणजे, तब्बल ११ वर्षांनंतर मार्कने ट्विटरवर पुनरागमन केलं आहे. झुकरबर्गने एक मीम टेम्प्लेट पोस्ट करुन थेट ट्विटरचे मालक इलॉन मस्कला डिवचलं आहे.

बुधवारी इन्स्टाग्रामने आपलं थ्रेड्स नावाचं नवीन अ‍ॅप लाँच केलं. या अ‍ॅपवर यूजर्स अगदी ट्विटरप्रमाणेच कमी शब्दांमध्ये पोस्ट करू शकणार आहेत. त्यामुळे थ्रेड्स हे अ‍ॅप ट्विटरला टक्कर देणार आहे. हे अ‍ॅप लाँच झाल्यानंतर काही वेळातच मार्क यांनी एक मीम ट्विट केला.

Mark Zuckerberg Tweet
Twitter : आता ट्विटर वापरण्यासाठी अकाउंट बनवणं अनिवार्य; इलॉन मस्कचा मोठा निर्णय

मार्कचं ट्विट

२०१२ नंतर मार्क यांचं हे पहिलंच ट्विट आहे. यामध्ये त्यांनी दोन स्पायडरमॅन एकमेकांकडे पाहत असल्याचा मीम पोस्ट केला आहे. दोन गोष्टींमधील एकसारखेपणा दाखवण्यासाठी या मीम टेम्प्लेटचा वापर होतो. मस्क यांनी या मीमवर काहीही कॅप्शन दिलं नाहीये. तरीही, यातून ट्विटर आणि थ्रेड्स अशा दोन अ‍ॅप्सबद्दल इशारा देण्यात आल्याचं कळत आहे.

Mark Zuckerberg Tweet
Cage Fight : '..भेट चौकात'; मस्क आणि झुकरबर्ग आता थेट रिंगणात भिडणार? पाहा काय आहे प्रकरण

थ्रेड्समुळे ट्विटरला फटका

इलॉन मस्क यांनी विकत घेतल्यापासून ट्विटरच्या अडचणींमध्ये सातत्याने वाढ होत आहे. कामगारांचे लेऑफ, जाहिरातदारांची पीछेहाट आणि यूजर्सवर लागू होणारे निर्बंध यामुळे कित्येक लोक ट्विटरला चांगला पर्याय शोधत आहेत.

अशातच मार्क झुकेरबर्गच्या इन्स्टाग्रामने थ्रेड्स हे अ‍ॅप लाँच करून लोकांना एक वेगळा पर्याय दिला आहे. त्यामुळे ट्विटरच्या अडचणीत आणखी वाढ होण्याची शक्यता आहे.

थ्रेड्स हे अ‍ॅप १००हून अधिक देशांमध्ये लाँच झालं आहे. यामध्ये भारताचा देखील समावेश आहे. इन्स्टाग्राम यूजर्स आपल्या सेम लॉग-इन क्रेडेंशिअल्सच्या मदतीने थ्रेड्स अ‍ॅप वापरू शकणार आहेत.

Mark Zuckerberg Tweet
Instagram Threads : मस्कचं टेन्शन वाढलं! १०० हून अधिक देशांमध्ये इन्स्टाग्रामचं थ्रेड्स अ‍ॅप लाँच; पाहा काय आहे खास

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com