टेक जायंट मायक्रोसॉफ्टने टीम्ससाठी (Microsoft Teams) एक नवीन फीचर आणले आहे, हे फीचर पूर्वनिर्धारित वेळेनंतर OneDrive किंवा SharePoint मध्ये संग्रहित रेकॉर्डिंग फाइल्स आपोआप डिलीट करेल . ZDNet च्या रिपोर्टनुसार, Microsoft ने टीम्स कोलॅबोरेशन प्लॅटफॉर्मसाठी डिसेंबर अपडेट्समध्ये हे नवीन फीचर आणले आहे, ज्यामध्ये कॉलसाठी एंड-टू-एंड एन्क्रिप्शन आणि टीम्स आणि अँड्रॉइडमधील इमर्जंसी कॉल केल्यानंतर काही डिव्हाइसेस फ्रीझ होण्याची समस्या सोडवली जाईल.
एडमीन्स डीफॉल्टनुसार चालू असणारे हे ऑटो-एक्सपायरेशन (Auto-Expiration) फीचर बंद करू शकतात. एकदा रोल आउट झाल्यानंतर, तुम्ही हे फीचर बंद केले नाही तर तुमच्या सर्व नवीन रेकॉर्डिंग रेकॉर्ड झाल्यानंतर 60 दिवसांनी आपोआप डीलिट केल्या जातील.
सर्व नव्याने तयार केलेल्या टीम मीटिंग रेकॉर्डिंगची (TMR) डीफॉल्ट मुदत 60 दिवसांची असणार आहे. हे फीचर सर्व वापरकर्त्यांसाठी डीफॉल्ट चालू होणार आहे, असे कंपनीने स्पष्ट केले आहे , याचा अर्थ असा की डीफॉल्टनुसार, हे फीचर चालू झाल्यानंतर तयार झालेल्या सर्व टीम मीटिंग रेकॉर्डिंग (TMR) त्यांच्या रेकॉर्डिंग तारखेनंतर 60 दिवसांनी आपोआप डिलीट केल्या जातील.
टीम्स अॅडमिन सेंटरमध्ये जाऊन किंवा पॉवरशेल कमांड वापरून कधीही ऑटो-एक्स्पायर न होण्यासाठी (never auto-expire) मीटिंग सेट करू शकतात. मायक्रोसॉफ्टने जुन्या रेकॉर्डिंग मुळे तयार झालेले स्टोरेज क्लटर कमी करण्यासाठी ही एक हलकी हाउसकीपिंग यंत्रणा असे फीचरचे वर्णन केले आहे, जे रेकॉर्डिंगच्या प्रति तास भरासाठी सरासरी 400 MB क्लाउड स्टोरेज वापरते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.