60MP चा सेल्फी कॅमरा असलेला फोन भारतात लॉंच, पाहा किंमत अन् फीचर

स्मार्टफोन निर्माता कंपनी मोटोरोलाने आपला दमदार स्मार्टफोन Motorola Edge 30 Pro भारतात लॉन्च केला आहे. या स्मार्टफोनमध्ये तुम्हाला 60MP सेल्फी आणि 50MP रियर कॅमेरा देण्यात आला आहे. Motorola Edge 30 Pro ला 8GB रॅम सह लॉन्च करण्यात आले आहे. कॉसमॉस ब्लू आणि स्टारडस्ट व्हाईट या दोन कलर ऑप्शन्समध्ये उपलब्ध आहे. चला तर मग जाणून घेऊया याचे स्पेसिफिकेशन आणि किंमत…

डिस्प्ले आणि फीचर्स

Motorola Edge 30 Pro मध्ये, तुम्हाला 6.7-इंचाचा FHD + AMOLED डिस्प्ले पाहायला मिळेल, जो 144Hz पर्यंत रिफ्रेश रेट आणि HDR10 + सपोर्टसह येतो. सेल्फीसाठी डिस्प्लेच्या मध्यभागी एक पंच होल देण्यात आला आहे. त्याचा डिस्प्ले कॉर्निंग गोरिल्ला ग्लास 5 प्रोटेक्शनने सुसज्ज आहे. यामध्ये कनेक्टिव्हिटीसाठी 3.5mm हेडफोन जॅक, ब्लूटूथ आणि वायफाय सारखे फीचर्स देण्यात आले आहेत. स्मार्टफोन इतर अनेक दमदार फीचर्स दिले आहेत.

प्रोसेसर आणि स्टोरेज

तिथेच. त्याच्या प्रोसेसरबद्दल बोलायचे झाले तर, तुम्हाला त्यात क्वालकॉम स्नॅपड्रॅगन 8 Gen 1 प्रोसेसर पाहायला मिळेल. यामध्ये तुम्हाला 8GB रॅम आणि 128GB इंटरनल स्टोरेज देण्यात आले आहे. हा स्मार्टफोन Android 12 वर चालतो.

कॅमेरा आणि बॅटरी

Motorola Edge 30 Pro डिव्हाइसमध्ये, तुम्हाला 68W फास्ट चार्जिंग सपोर्टसह 4800mAh बॅटरी पाहायला मिळते. त्याचबरोबर या स्मार्टफोनमध्ये तुम्हाला ट्रिपल रियर कॅमेरा मिळेल. याच्या मागील बाजूस 50MP मुख्य कॅमेरा, 50MP अल्ट्रा वाइड अँगल सेन्सर आणि 2MP डेप्थ सेन्सर आहे. दुसरीकडे, सेल्फी कॅमेर्‍याबद्दल बोलायचे झाल्यास, तुम्हाला यात 60MP सेल्फी कॅमेरा मिळेल.

किंमत आणि बँक ऑफर

Motorola ने आपला नवीन फोन Motorola Edge 30 Pro भारतात 49,999 रुपयांना लॉन्च केला आहे. मिळालेल्या माहितीनुसार, या फोनची विक्री फ्लिपकार्टवर 4 मार्चला सुरु होणार आहे. Flipkart वरून 44,999 रुपयांना खरेदी करता येईल. स्टेट बँक ऑफ इंडियाच्या ग्राहकांना विशेष ऑफर देखील मिळतील. SBI ग्राहकांना 5000 रुपयांपर्यंतची कॅशबॅक ऑफर मिळत आहे.