मोटोरोला एक पावरफुल स्मार्टफोन लॉन्च करण्याच्या तयारीत आहे, ज्याचे फीचर्स खूपच दमदार असणार आहेत आहेत. या मोटोरोला फ्रंटियर (Motorola Frontier) स्मार्टफोनचे रेंडर टिपस्टरने लीक केले आहेत. लीक झालेल्या रेंडर्सनुसार, स्मार्टफोन 194-मेगापिक्सेल सेन्सरसह येईल, मागच्या काही रिपोर्ट्समध्ये या फोनला 200-मेगापिक्सेल कॅमेरा मिळेल असा दावा केला होता. वाचा सविस्तर
मोटोरोला फ्रंटियरचे लेटेस्ट रेंडर टिपस्टर इव्हान ब्लास (उर्फ @evleaks) याने शेअर केले आहेत. त्यानुसार Motorola फोन कर्व्ह्ड डिस्प्ले तसेच कर्व्ह्ड बॅकसह येतो. डिस्प्लेला समोरच्या कॅमेऱ्यासाठी सेंटर अलाईन होल-पंच कटआउट दिली जाईल. पॉवर बटण आणि व्हॉल्यूम रॉकर उजव्या बाजूला आहेत. मागील बाजूस एज-टू-एज हॉरिझॉंटल स्ट्रिप्स, बॅटविंग लोगो बॅक पॅनलच्या मध्यभागी आणि वरच्या डाव्या कोपर्यात एक रेक्टॅंग्युलर कॅमेरा मॉड्यूल आहे. तळाशी यूएसबी टाइप-सी पोर्ट, स्पीकर ग्रिल आणि सिम कार्ड ट्रे आहे.
Motorola Frontier चे स्पेसिफिकेशन्स (संभाव्य)
Motorola Frontier स्मार्टफोन ड्युअल-सिम (नॅनो) डिव्हाइस असल्याचा दावा केला जातो जो Android 12 आउट-ऑफ-द-बॉक्स वर चालेल. यात 144Hz रिफ्रेश रेट आणि HDR10 सपोर्टसह 6.67-इंचाचा FHD+ OLED डिस्प्ले असेल. फोन क्वालकॉम स्नॅपड्रॅगन SM8475 चिपसेटने सुसज्ज आहे, जो क्वालकॉमच्या फ्लॅगशिप स्नॅपड्रॅगन 8 Gen 1 चिपसेटची अपग्रेड केलेली आवृत्ती असू शकते. हँडसेट 12GB पर्यंत LPDDR5 RAM आणि 256GB पर्यंत UFS 3.1 स्टोरेज देऊ शकतो.
Motorola Frontier ला OIS सपोर्टसह 1/1.5-इंच 194-मेगापिक्सेल सेन्सरसह येण्याची शक्यता आहे. आधीच्या एका रिपोर्टमध्ये असा दावा करण्यात आला होता की फोनमध्ये 200-मेगापिक्सलचा सेन्सर, 50-मेगापिक्सलचा वाइड-एंगल कॅमेरा आणि 12-मेगापिक्सलचा टेलिफोटो शूटर असेल. फोनमध्ये सेल्फी आणि व्हिडिओ कॉलसाठी 60-मेगापिक्सलचा फ्रंट कॅमेरा असल्याचे सांगितले जाते.
Motorola Frontier ला 125W वायर्ड चार्जिंग आणि 50W वायरलेस चार्जिंग सपोर्टसह 4500mAh बॅटरी मिळेल असे सांगितले जात आहे. तसेच फोनमध्ये कनेक्टिव्हिटी पर्यायांमध्ये Wi-Fi 6e, USB Type-C पोर्ट, NFC, GPS आणि Bluetooth v5.2 असल्याचे सांगितले जाते. कॉल क्लॅरिटीसाठी यात स्टीरिओ स्पीकर आणि तीन मायक्रोफोन्स असण्याची अपेक्षा आहे. हा फोन जुलै महिन्यात लॉंच होण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
